കോഴി​ക്കോട്: ബിരുദ പ്രവേശനത്തോടനുബന്ധിച്ച് എയ്ഡഡ് കോളേജുകളിലെ കമ്മ്യൂണിറ്റി ക്വോട്ടയിലേക്ക് അപേക്ഷിച്ചവരുടെ ലിസ്റ്റ് അതത് കോളേജുകളിൽ ലഭ്യമാക്കിയിട്ടുണ്ട്.

കമ്മ്യൂണിറ്റി ക്വാട്ട ലിസ്റ്റിൽ ഉൾപ്പെട്ടവർക്ക് 15ന് വൈകിട്ട് അഞ്ച് വരെ സ്റ്റുഡന്റ് ലോഗിൻ വഴി ഓൺലൈനായോ കോളേജുമായി നേരിട്ട് ബന്ധപ്പെട്ടോ റാങ്ക് ലിസ്റ്റിലേക്ക് റിപ്പോർട്ട് ചെയ്യാം. ഇങ്ങനെ റിപ്പോർട്ട് ചെയ്യുന്നവരെ മാത്രമായിരിക്കും കമ്മ്യൂണിറ്റി ക്വോട്ട റാങ്ക് ലിസ്റ്റിലേക്ക് ഉൾപ്പെടുത്തുക . (cuonline.ac.in/ug => Student Login => Community Quota Reporting=> Report(button)

ഒക്‌ടോബർ 16 ന് ഉച്ചയ്ക്ക് 12 ന് എല്ലാ കോളേജുകളിലും റാങ്ക് ലിസ്റ്റ് പ്രസിദ്ധീകരിക്കും. 16 മുതൽ 22 വരെ ആയിരിക്കും കമ്മ്യൂണിറ്റി ക്വോട്ട പ്രവേശനം. കമ്മ്യൂണിറ്റി ക്വോട്ടയിലേക്ക് പ്രവേശനം നേടുന്ന വിദ്യാർത്ഥികൾ സ്റ്റുഡന്റ് ലോഗിൻ വഴി മാൻഡേറ്ററി ഫീസടയ്ക്കണം.