ന്യൂഡൽഹി: ഇന്ത്യയുടെ വ്യാവസായിക ഉത്‌പാദന (ഐ.ഐ.പി) വളർച്ച ആഗസ്‌റ്റിൽ എട്ട് ശതമാനം ഇടിഞ്ഞു. മൊത്ത ആഭ്യന്തര ഉത്‌പാദന (ജി.ഡി.പി)​ വളർച്ചയിൽ മുഖ്യ പങ്കുവഹിക്കുന്ന മാനുഫാക്‌ചറിംഗ് മേഖല 8.6 ശതമാനവും ഖനനം 9.8 ശതമാനവും ഊർജം 1.8 ശതമാനവും ഇടിഞ്ഞതാണ് പ്രധാന തിരിച്ചടി.

2019 ആഗസ്‌റ്റിൽ ഐ.ഐ.പി വളർച്ച നെഗറ്റീവ് 1.4 ശതമാനമായിരുന്നു. നടപ്പു സാമ്പത്തിക വർഷത്തെ ആദ്യപാദമായ ഏപ്രിൽ-ജൂണിൽ നെഗറ്റീവ് 23.9 ശതമാനത്തിലേക്ക് ഇടിഞ്ഞിരുന്നു. രണ്ടാംപാദമായ ജൂലായ്-സെപ്‌തംബറിലും സ്ഥിതി വ്യത്യസ്തമല്ലെന്ന് വ്യക്തമാക്കുന്നതാണ് ഐ.ഐ.പിയുടെ വീഴ്‌ച.