തൃശൂർ: ആരോഗ്യനില വഷളായതിനെ തുടർന്ന് മഹാകവി അക്കിത്തം അച്യുതൻ നമ്പൂതിരിയെ ആശുപത്രിയിൽ പ്രവേശിപ്പിച്ചു. അദ്ദേഹത്തിന്റെ ആരോഗ്യനില ഗുരുതരമാണെന്ന് ബന്ധുക്കൾ അറിയിച്ചു. തിങ്കളാഴ്ച രാത്രിമുതൽ മൂത്രതടസം കഠിനമാവുകയും തൃശൂർ ഹൈടെക് ആശുപത്രിയിലേക്ക് മാറ്റുകയുമായിരുന്നു. ആരോഗ്യസ്ഥിതിയിൽ ആശങ്കയുളളതിനാൽ തീവ്രപരിചരണ വിഭാഗത്തിൽ തുടരുകയാണെന്ന് മകൻ നാരായണൻ അക്കിത്തം അറിയിച്ചു. കഴിഞ്ഞ ദിവസം പുതൂർ പുരസ്‌ക്കാരം ഏറ്റുവാങ്ങിയ അക്കിത്തത്തിന് ഒരു മാസം മുമ്പാണ് ജ്ഞാനപീഠം സമ്മാനിച്ചത്.