ഭാര്യയെക്കാൾ / പങ്കാളിയേക്കാൾ പ്രായം കുറഞ്ഞ പുരുഷൻമാർ നിരവധിയാണ്. ശരിക്കും നിരവധി പുരുഷൻമാർക്ക് തന്നേക്കാൾ പ്രായം കൂടിയ പങ്കാളിയെ തിരഞ്ഞെടുക്കുന്നതിൽ താത്പര്യക്കുറവില്ലാത്തവരാണ്. പ്രിയങ്കാ ചോപ്ര - നിക്ക് ജോനാസ്, സെയ്ഫ് അലി ഖാൻ - അമൃത സിംഗ് ( മുൻ ഭാര്യ ), ഐശ്വര്യ റായ് - അഭിഷേക് ബച്ചൻ തുടങ്ങി നിരവധി സെലിബ്രിറ്റി ജോഡികളെ മേൽപ്പറഞ്ഞതിന് ഉദാഹരണമായി നാം കണ്ടിട്ടുണ്ട്.

എന്തുകൊണ്ടാകാം ഇത്തരത്തിൽ പ്രായം കൂടിയ സ്ത്രീകളെ പങ്കാളികളാക്കാൻ പുരുഷൻമാർ താത്പര്യം പ്രകടിപ്പിക്കുന്നത്.? പ്രായം കൂടിയ സ്ത്രീകളോട് ആകർഷണം തോന്നാൻ ചില കാരണങ്ങൾ ഉണ്ടെന്നാണ് പുരുഷൻമാർ പറയുന്നത്. ഇക്കാരണങ്ങൾ മുൻ നിറുത്തി പ്രായം കൂടിയ സ്ത്രീകളെ പങ്കാളി അല്ലെങ്കിൽ ഭാര്യയായി സ്വീകരിക്കാൻ പുരുഷൻമാർ ആഗ്രഹിക്കുന്നു.

അങ്ങനെയെങ്കിൽ പ്രായം കൂടിയ സ്ത്രീകളിലേക്ക് പുരുഷൻമാരെ ആകർഷിക്കുന്ന കാരണങ്ങൾ എന്തൊക്കെയാണ് ? പ്രധാനമായും 9 ഘടകങ്ങളാണ് പ്രായം കൂടിയ സ്ത്രീകളെ പുരുഷൻമാർ ഇഷ്ടപ്പെടാൻ കാരണം. അവ ചുവടെ;

1. പ്രായം കൂടിയ സ്ത്രീകളിലെ പക്വതയും പരിചയസമ്പന്നതയും. മാത്രമല്ല, ഇക്കാരണങ്ങളാൽ ഇവർ അടുക്കും ചിട്ടയോട് കൂടിയവരും എല്ലാ കാര്യത്തിലും സമതുലിതമായ സമീപനം സ്വീകരിക്കുന്നവരുമായിരിക്കും.

2. ഇവർ ഗോസിപ്പുകൾക്ക് അടിമപ്പെട്ടവരാകില്ല. പരിചയസമ്പന്നർ ആയതിനാൽ തെറ്റായ ആൾക്കാരെ കണ്ടെത്താനും അവരെ കൈകാര്യം ചെയ്യാനും അവർക്കാവും. പങ്കാളിയിൽ നിരാശയുണ്ടായാൽ പക്വതയോടെ പ്രവർത്തിക്കാൻ ഇവർക്ക് സാധിക്കും.

3. പ്രായം കൂടിയ സ്ത്രീകൾ ആത്മവിശ്വാസവും ഉയർന്ന ആത്മാഭിമാനത്തോടും കൂടിയവരാണ്. തങ്ങളാണ് ശരിയെന്ന് തെളിയിക്കാനായി ഒരു തരത്തിലുള്ള വാദത്തിലും എളുപ്പം ഇടപെടുന്നവരാകില്ല ഇവർ. ദുഷ്കരമായ സമയങ്ങളെ എങ്ങനെ നേരിടണമെന്ന് ഇവർക്കറിയാം.

4. പുരുഷൻമാർ പ്രായം കൂടിയ സ്ത്രീകളെ പങ്കാളികളായി തിരഞ്ഞെടുക്കുന്നതിലെ പ്രധാനപ്പെട്ട കാരണങ്ങളിൽ ഒന്ന് അവരുടെ ലൈംഗിക പക്വതയാണ്. പല ചെറുപ്പക്കാരും ഇക്കാര്യം സമ്മതിക്കുന്നു.

5. ഒരു ബന്ധത്തിൽ മാത്രം ഒതുങ്ങണമെന്ന് വിശ്വസിക്കാത്ത ഇവർ‌ പങ്കാളിയെ ബഹുമാനിക്കുകയും അവർക്ക് വ്യക്തിപരമായി തനിച്ച് ചെലവഴിക്കാൻ സമയം ആവശ്യമെങ്കിൽ അതിന് അനുവദിക്കുകയും ചെയ്യുന്നു.

6. വൈകാരികമായും പക്വത കൈവരിച്ച ഇവർ അനാവശ്യമായി വഴക്കുകൾക്കോ വാശികൾക്കോ വഴിവയ്ക്കാതെ വിവേകത്തോടെ വികാരങ്ങളെ കൈകാര്യം ചെയ്യുന്നു.

7. പ്രായം കൂടിയ സ്ത്രീകളുമായുള്ള ഡേറ്റിംഗ് ഓരോ ദിവസവും പുതിയ അറിവുകൾ നേടുന്നതിനും പഠിക്കുന്നതിനും സമാനമാണ്. ഇവർക്കൊപ്പമുള്ള ഓരോ നിമിഷവും പുതിയ അനുഭവങ്ങൾ അറിയാനാകും.

8. ധനപരമായ കാര്യങ്ങളിലും ഇവർക്ക് കൃത്യമായ ബോധം ഉണ്ടാകും. തങ്ങളുടെ ഭർത്താവിന്റെ ചുമലിലെ ഭാരം കുറയ്ക്കാനായി സാമ്പത്തികപരമായ ഉത്തരവാദിത്വങ്ങൾ ഏറ്റെടുക്കാൻ ഇവർ തയാറാകുന്നു. പുരുഷൻമാർ പ്രായം കൂടിയ സ്ത്രീകളിൽ കാണുന്ന പ്രധാന സവിശേഷതകളിൽ ഒന്നാണിത്.

9. സ്ത്രീയും പുരുഷനും ഒരു പോലെ പക്വതയുള്ളവർ ആണെങ്കിൽ അവിടെ പരസ്പര ധാരണയും തങ്ങളുടെ ബന്ധത്തിൽ പരസ്പര ബഹുമാനവും പുലർത്തുന്നു.