സ്മാർട്ട് ഫോൺ രംഗത്ത് വിപ്ലവം സൃഷ്ടിക്കാനെത്തി പുതിയ ഐഫോൺ. ഫോണുകളുടെ ഏറ്റവും പുതിയ മോഡലുകളായ ഐഫോണ്‍ 12, ഐഫോൺ 12 പ്രോ, പ്രോ മാക്സ് എന്നിവയാണ് ഇപ്പോൾ പുറത്തിറങ്ങിയിരിക്കുന്നത്. നീല, ചുവപ്പ്, കറുപ്പ്, വെള്ള, പച്ച തുടങ്ങി അഞ്ച് നിറങ്ങളിലായാണ് ആപ്പിൾ ഐഫോൺ 12 പുറത്തിറക്കിയത്. എക്കാലത്തെയും മികച്ച ഡിസ്‌പ്ളേകളിലൊന്നായ സൂപ്പർ റെറ്റിന എക്സ്.ഡി.ആർ ഡിസ്പ്ലേയാണ് ഐഫോൺ 12 ഉള്ളത്. ഐഫോണിന്റെ മുമ്പത്തെ മോഡലുകളെക്കാൾ ഏറെ ഫീച്ചറുകളും ആപ്പിൾ ഇതിൽ ഉൾപ്പെടുത്തിയിട്ടുണ്ട്.