ദുബായ്: ഇന്ത്യൻ പ്രീമിയർ ലീഗിന്റെ പതിമൂന്നാം സീസണിലെ 30ാം മത്സരത്തിൽ രാജസ്ഥാനെതിരെ ഡൽഹി ക്യാപിറ്റൽസിന് 13 റൺസ് വിജയം. ടോസ് നേടി ആദ്യം ബാറ്റിംഗിനിറങ്ങിയ ഡൽഹി 20 ഓവറിൽ ഏഴ് വിക്കറ്റ് നഷ്ടത്തിൽ 161 റൺസ് നേടി. ഇത് പിന്തുടർന്ന രാജസ്ഥാൻ റോയൽസ് 20 ഓവറിൽ എട്ട് വിക്കറ്റ് നഷ്ടത്തിൽ 148 റൺസിന് പുറത്താവുകയായിരുന്നു.

ഡൽഹി ടീം ക്യാപ്ടൻ ശിഖർ ധവാൻ 33 പന്തിൽ 57 റൺസ് നേടി മാൻ ഓഫ് ദ മാച്ചായി. ശ്രേയസ് അയ്യർ 43 പന്തിൽ 53 റൺസ് നേടി മികച്ച പ്രകടനം കാഴ്ചവച്ചു. രാജസ്ഥാനു വേണ്ടി കളിച്ച ഇംഗ്ലീഷ് താരം ബെൻ സ്റ്റോക്സ് 35 പന്തിൽ 41 റൺസ് നേടി. സഞ്ചു സാംസൺ 18 പന്തിൽ 25 റൺസ് നേടി.

ഈ ഐ.പി.എൽ സീസണിൽ രണ്ടാം തവണയാണ് ഇരു ടീമുകളും തമ്മിലേറ്റുമുട്ടുന്നത്. കഴിഞ്ഞ മത്സരത്തിൽ രാജസ്ഥാനെതിരെ ഡൽഹി 46 റൺസിന് വിജയം നേടിയിരുന്നു.