ദുബായ്: ഐ.പി.എൽ ചരിത്രത്തിലെ ഏറ്റവും വേഗമേറിയ ബൗളറായി ഡൽഹി ക്യാപിറ്റൽസിന്റെ ദക്ഷിണാഫ്രിക്കൻ പേസർ അൻറിക്ക് നോർക്കിയ. കഴിഞ്ഞ രാത്രി രാജസ്ഥാൻ റോയൽസിനെതിരെ നടന്ന മത്സരത്തിലാണ് അൻറിക്ക് മണിക്കൂറിൽ 156.2 കിലോമീറ്റർ (97.06 മൈൽ/ മണി​ക്കൂർ)വേഗത്തിൽ പന്തെറിഞ്ഞത്. ഇന്നിംഗ്സിലെ മൂന്നാം ഓവറിൽ രാജസ്ഥാൻ ഓപ്പണർ ജോസ് ബട്ട്ലറാണ് ഈ പന്ത് നേരിട്ടത്.

154.40 കിലോമീറ്റർ / മണിക്കൂർ എന്ന ദക്ഷിണാഫ്രിക്കൻ പേസർ ഡേൽസ്റ്റെയ്നിന്റെ റെക്കാഡാണ് അൻറിക്ക് തിരുത്തിയത്. സ്റ്റെയ്നിന്റെ റെക്കാഡിനേക്കാൾ മെച്ചപ്പെട്ട മൂന്ന് പന്തുകളാണ് അൻറിക്ക് എറിഞ്ഞത്. ഇതിലൊന്നിൽ ബട്ട്‌ലറുടെ വിക്കറ്റ് വീഴ്ത്തുകയും ചെയ്തു. ആകെ രണ്ട് വി​ക്കറ്റുകൾ നേടി​യ അൻറി​ക്കാണ് മാൻ ഒഫ് ദ മാച്ചായതും.

ഐ.പി​.എല്ലി​ലെ ഏറ്റവും വേഗമേറി​യ പന്താണ് എറി​ഞ്ഞതെന്ന് കളി​ കഴി​ഞ്ഞപ്പോഴാണ് അറി​ഞ്ഞത്. വേഗത്തേക്കാൾ ബട്ട്‌ലറുടെ വി​ക്കറ്റ് വീഴ്ത്താൻ കഴി​ഞ്ഞതി​ൽ സന്തോഷം.

- അൻറി​ക്ക് നോർക്കി​യ