ന്യൂഡൽഹി: ജമ്മുകാശ്മീർ ഹൈക്കോടതിയുടെ നിർദ്ദേശത്തെ തുടർന്ന് കോൺഗ്രസ് നേതാവ് ഗുലാം നബി ആസാദിനെതിരെ സി.ബി.ഐ ഉൾപ്പെടെയുള്ള കേന്ദ്ര ഏജൻസികളുടെ അന്വേഷണം. ജമ്മു കാശ്‌മീരിലെ 25,000 കോടിയുടെ ഭൂമി തട്ടിപ്പുമായി ബന്ധപ്പെട്ട ആരോപണങ്ങളിലാണ് അന്വേഷണം.ഗുലാം നബി മുഖ്യമന്ത്രിയായിരിക്കെ കൃഷി ഭൂമികളെ വ്യാവസായിക ഭൂമിയാക്കി പരിവർത്തനം ചെയ്തതിന് പിന്നിൽ അഴിമതി ഉണ്ടെന്നാണ് ആരോപണം.
ആരോപണം ഗുരുതരവും പൊതുസമ്പത്ത് സ്വന്തമാക്കാനുള്ള കൊള്ളയടിക്കലുമാണ് നടന്നതെന്ന് ജമ്മുകാശ്മീർ ഹൈക്കോടതി ചൂണ്ടിക്കാട്ടി. സി.ബി.ഐയ്ക്ക് പുറമേ എൻഫോഴ്‌സ്‌മെന്റ് ഡയറക്ടറേറ്റും അന്വേഷണം ആരംഭിച്ചു.