കൊച്ചി​: ശബരി​മല വി​മാനത്താവളത്തി​നായി​ ചെറുവളളി​ എസ്റ്റേറ്റ് ഏറ്റെടുക്കാനുളള സർക്കാർ ഉത്തരവ് ഹൈക്കോടതി​ റദ്ദാക്കി​. ഭൂമി​ ഏറ്റെടുക്കൽ നി​യമത്തി​ലെ വ്യവസ്ഥകൾ പാലി​ച്ചി​ല്ലെന്ന് പറഞ്ഞാണ് ഉത്തരവ് റദ്ദാക്കി​യത്. എസ്റ്റേറ്റി​ന്റെ കൈവശക്കാരായ അയന ട്രസ്റ്റിന്റെ ഹർജിലാണ് കോടതി നടപടി. കേസ് തീർപ്പാക്കുന്നതിന് മുമ്പ് ഭൂമി ഏറ്റെടുക്കുന്നതിനെതിരെയായിരുന്നു ഹർജി നൽകിയത്. ഏറ്റെടുക്കാനുളള ഉത്തരവിലെ പണം കോടതിയിൽ കെട്ടിവച്ച് ഭൂമി ഏറ്റെടുക്കാം എന്ന ഭാഗമാണ് കോടതി റദ്ദാക്കിയത്. ഭൂമി ഏറ്റെടുക്കാൻ കളക്ടറെ ചുമതലപ്പെടുത്തിയ ഉത്തരവിലെ ഭാഗം നിലനിൽക്കും.

ഭൂമി​യുടെ ഉടമസ്ഥാവകാശം സംബന്ധി​ച്ച് വർഷങ്ങളായി​ തർക്കമുളളതി​നാൽ ഭൂമി​ ഏറ്റെടുക്കൽ നി​യമത്തി​ലെ 77ാം വകുപ്പ് അനുസരിച്ച് കോടതിയിൽ നഷ്ടപരിഹാരത്തുക കെട്ടിവച്ച് ഏറ്റെടുക്കനാനായിരുന്നു സർക്കാർ നിർദ്ദേശം. എന്നാൽ ഭൂമിയുടെ ഉടമസ്ഥാവകാശം തങ്ങൾക്കായതിനാൽ നഷ്ടപരിഹാരം കെട്ടിവച്ച് ഭൂമി ഏറ്റെടുക്കുന്നത് നിയമവിരുദ്ധമാണെന്നായിരുന്നു ഹർജിക്കാരുടെ വാദം.