കണ്ണൂര്‍: കുട്ടികൾ കണ്ടുകൊണ്ടിരിക്കെ പൊട്ടിത്തെറിച്ച് വീട്ടിലെ ടിവി. തുടർന്ന് വീട് കത്തിനശിക്കുകയുമുണ്ടായി. പയ്യന്നൂര്‍ രാമന്തളിയിലെ പുളുക്കൂല്‍ നാരായണന്റെ വീടാണ് തീപിടുത്തത്തിൽ കത്തി നശിച്ചത്. കുട്ടികള്‍ ടിവി കണ്ടു കൊണ്ടിരിക്കെയാണ് വലിയ ഉഗ്രശബ്ദത്തോടെ ടിവി പൊട്ടിത്തെറിച്ചത്.
ഇന്ന് ഉച്ചയോടെയാണ് സംഭവം ഉണ്ടായത്. അപകടത്തെ തുടർന്ന് ആര്‍ക്കും പരിക്കേറ്റിട്ടില്ല എന്നാണ് വിവരം. ടിവിയില്‍നിന്ന് പുക ഉയരുമ്പോള്‍ തന്നെ കുട്ടികള്‍ പുറത്തേക്ക് ഇറങ്ങിയോടിയതാണ് ആളപായം ഉണ്ടാകാതിരിക്കാൻ കാരണമായത്.
കുട്ടികള്‍ പുറത്തെത്തിയെ ഉടനെ തന്നെ ടിവി വലിയ ശബ്ദത്തോടെ പൊട്ടിത്തെറിച്ചു. തുടര്‍ന്ന് വീടിനകത്തും സമീപത്തുമായി തീ ആളിക്കത്തുകയായിരുന്നു. ശേഷം വൈദ്യുതി ബന്ധം വിച്ഛേദിച്ച് നാട്ടുകാരും അഗ്‌നിശമനയും ചേര്‍ന്ന് തീയണച്ചു.