തിരുവനന്തപുരം: തിരുവനന്തപുരം യൂത്ത് കോൺഗ്രസ് ജില്ലാ സെക്രട്ടറി എം. മിഥുന്‍ ബി.ജെ.പിയുടെ ഭാഗമായി. ബി.ജെ.പിയുടെ തിരുവനന്തപുരം ജില്ലാ പ്രസിഡന്റ് വി.വി രാജേഷിന്റെ നേതൃത്വത്തിലാണ് മിഥുനിനെ ഷാള്‍ അണിയിച്ച് പാർട്ടിയിൽ അംഗത്വം നല്‍കിയത്. ഫേസ്ബുക്ക് ലൈവ് വഴി വി.വി രാജേഷ് തന്നെയാണ് ഇക്കാര്യം അറിയിച്ചത്.
തിരുവനന്തപുരം ചിറയിന്‍കീഴ് നിയോജക മണ്ഡലത്തിലെ മുദാക്കല്‍ സ്വദേശിയാണ് മിഥുന്‍. കോണ്‍ഗ്രസ് പാർട്ടിയുടെ അവസാരവാദ രാഷ്ട്രീയത്തിലും സ്വജന പക്ഷപാതിത്വത്തിലും പ്രതിഷേധിച്ചുകൊണ്ടാണ് മിഥുന്‍ ബി.ജെ.പിയോടൊപ്പം ചേര്‍ന്ന് പ്രവര്‍ത്തിക്കാന്‍ തീരുമാനം എടുത്തതെന്ന് പാർട്ടി ജില്ലാ നേതൃത്വം പ്രതികരിച്ചു.