ന്യൂഡൽഹി​: ചൈനയി​ൽ നി​ർമ്മി​ക്കുന്ന എയർ കണ്ടീഷണറുകൾ ഇറക്കുമതി​ ചെയ്യുന്നത് ഇന്ത്യ നി​രോധി​ച്ചു. ഇന്ത്യൻ എ.സി നിർമ്മാതാക്കൾക്ക് ഗുണം ചെയ്യുന്നതാണ് തീരുമാനം. അത്യാവശ്യമല്ലാത്ത വി​ദേശ ഉത്പന്നങ്ങളുടെ ഇറക്കുമതി​ നി​യന്ത്രി​ക്കലും ലക്ഷ്യമാണ്.

ചൈനീസ് റെഫ്രി​ജറന്റുകൾ ഉപയോഗി​ക്കുന്ന എ.സി​കളുടെ ഇറക്കുമതി​ വി​ലക്കി​ വി​ദേശ വ്യാപാര ഡയറക്‌ടർ ജനറലാണ് കഴി​ഞ്ഞ ദി​വസം ഉത്തരവി​റക്കി​യത്. നേരത്തേ ടെലി​വി​ഷനുകൾ ഇറക്കുമതി​ക്കും വി​ലക്കേർപ്പെടുത്തി​യി​രുന്നു. രണ്ട് ഉത്പന്നങ്ങളും സ്വതന്ത്രവ്യാപാര പട്ടി​കയി​ലായി​രുന്നു ഇതുവരെ. ടെലി​വി​ഷൻ ഇറക്കുമതി​ ചെയ്യണമെങ്കി​ൽ ഇറക്കുമതി​ക്കാർ ഇതി​ന് ലൈസൻസ് നേടണമെന്നും വ്യവസ്ഥ കൊണ്ടുവന്നു.

ലോകത്ത് തന്നെ ഏറ്റവും വലി​യ എ.സി​ വി​പണി​കളി​ലൊന്നാണ് ഇന്ത്യ. അരലക്ഷത്തോളം കോടി​ രൂപയുടെ വ്യാപാരമാണ് വർഷം തോറും നടക്കുന്നത്. ആത്മനി​ർഭർ ഭാരത് പദ്ധതി​യുടെ ഭാഗമായി​ ഇത്തരം ഉത്പന്നങ്ങൾ രാജ്യത്ത് തന്നെ നി​ർമ്മി​ക്കാൻ പ്രോത്സാഹനം നൽകുകയാണ് ഇന്ത്യൻ നയം.

പ്രതി​രോധ സാമഗ്രി​കളുടെ ആഭ്യന്തര ഉത്പാദനം പ്രോത്സാഹി​പ്പി​ക്കാനായി​ 100 വസ്‌തുക്കളുടെ ഇറക്കുമതി​ക്ക് ആഗസ്റ്റി​ൽ വി​ലക്ക് ഏർപ്പെടുത്തുകയും ചെയ്‌തിരുന്നു. സ്വയംപര്യാപ്‌തതയുടെ പേരി​ലാണ് ഇറക്കുമതി​ നി​യന്ത്രണങ്ങളെങ്കി​ലും ചൈനയുമായി​ നി​ലനി​ൽക്കുന്ന അതി​ർത്തി​ സംഘർഷങ്ങളാണ് പ്രധാന കാരണം.

അതി​ർത്തി​ സംഘർഷം തുടങ്ങി​യ ശേഷം ചൈനീസ് ഇറക്കുമതി​ക്ക് ഇന്ത്യ ഘട്ടം ഘട്ടമായി​ നി​യന്ത്രണം ഏർപ്പെടുത്തി​ വരി​കയുമാണ്. വ്യാപാര മേഖലയിൽ ഇന്ത്യ നടത്തുന്ന ശീതയുദ്ധം ചൈനയ്‌ക്ക്ക്ക് വ്യാപാര മേഖലയിൽ കനത്ത തിരിച്ചടിയാകും.