എസ്റ്റോണിയയിലെ വോർ എന്ന സ്ഥലത്ത് ഒരു കുഞ്ഞൻ ഹോട്ടലുണ്ട് പേര് ഹക്ക ഫിർമ ജൂഹിസ്. പുറമെ കാണുമ്പോൾ ചെറുതെന്ന് തോന്നുമെങ്കിലും 50 ചതുരശ്രയടിയിൽ മൂന്നു നിലകളിലുമായി ഒരു കിടപ്പുമുറി, ബാത്‌റൂം, ഓഫീസ് സ്‌പേസ്, ചെറിയ കിച്ചൻ, സ്റ്റെയർ, ഓപ്പൺ ടെറസ് എന്നിവ ഉൾക്കൊള്ളിച്ചിട്ടുള്ള ഹോട്ടലാണിത്. രണ്ടു പേർക്കുമാത്രമാണ് ഈ ഹോട്ടലിൽ ഒരേസമയം താമസിക്കാനാവുക. മൂന്നു നിലകളെ തമ്മിൽ ബന്ധിപ്പിച്ചു കൊണ്ടുള്ള ഗോവണി ഒരു കൗതുകക്കാഴ്ചയാണ്. ഈ ഹോട്ടലിൽ പ്രവേശിച്ചാൽ ആദ്യം എത്തുന്നത് ഓഫീസ് സ്‌പേസിലേക്കാണ്. ഇവിടെ നിന്ന് സ്റ്റെയർ വഴി ബെഡ്റൂമിൽ എത്താം. കുഞ്ഞൻ ബെഡ്റൂം ആണെങ്കിലും സൗകര്യത്തിൽ ഒട്ടും പിന്നിലല്ല. ഇവിടെ നിന്ന് ഓപ്പൺ ടെറസിലേക്ക് എത്താം. ഇവിടെ ഇരിപ്പിടങ്ങൾ ഒരുക്കിയിട്ടുണ്ട്. പുറത്തെ കാഴ്ചകളും സൂര്യാസ്തമയവുമൊക്കെ ഇവിടെ ഇരുന്നാസ്വദിക്കാൻ കഴിയും. ടോണിസ് ഓർഗ് എന്ന ആർക്കിടെക്ടാണ് ഈ ഹോട്ടൽ ഡിസൈൻ ചെയ്തത്. ഒരു രാത്രി ഇവിടെ തങ്ങാനുള്ള ചെലവ് 6000 രൂപയാണ് . ലോകത്തിലെ ഏറ്റവും ചെറിയ ഹോട്ടലുകളിൽ ഒന്നായ ഇവിടെ താമസിക്കാൻ കപ്പിൾസും സോളോ യാത്രികരും മാസങ്ങൾക്ക് മുന്നേ തന്നെ ബുക്ക് ചെയ്തു കാത്തിരിക്കുകയാണ്.