തന്റെ ഫിറ്റ്നസ് ദിനചര്യയുടെ ദൃശ്യങ്ങള്‍ ഇന്‍സ്റ്റഗ്രാമില്‍ പലപ്പോഴും പങ്കിടുന്ന ബോളിവുഡ് താരമാണ് അനില്‍ കപൂര്‍. കഴിഞ്ഞ ദിവസം ആരാധകരെ ഞെട്ടിച്ച് തന്റെ ഫിറ്റ്നെസ് ചിത്രങ്ങൾ അദ്ദേഹം പങ്ക് വച്ചു. ഷർട്ട് ധരിക്കാതെ കടൽത്തീരത്ത് നടക്കുന്ന ചിത്രങ്ങളാണ് അനില്‍ കപൂര്‍ സോഷ്യൽ മീഡിയയിൽ പോസ്റ്റ് ചെയ്തത്. പ്രായത്തെ വെറും സംഖ്യയാക്കി മാറ്റുന്നതിന്റെ ഉത്തമ ഉദാഹരണമാണ് ഈ അറുപത്തിമൂന്നുകാരൻ.
ഭക്ഷണം തന്റെ ഏറ്റവും വലിയ ദൗര്‍ബല്യമാണെന്നും തന്റെ ഭക്ഷണശീലത്തെ നിയന്ത്രിക്കാന്‍ കപൂര്‍ കുടുംബം മുഴുവന്‍ ഒരുമിച്ച് പ്രവര്‍ത്തിക്കുന്നതെങ്ങനെയെന്നും അനില്‍ കപൂര്‍ ചിത്രത്തോടൊപ്പം കുറിച്ചു. നിരവധി താരങ്ങൾ അദ്ദേഹത്തിനെ അഭിനന്ദിച്ച് കമന്റുകൾ ചെയ്തു. അനില്‍ കപൂര്‍ തന്റെ പോസ്റ്റില്‍ എഴുതിയത് ഇതാണ്: 'എല്ലാവര്‍ക്കും ഉണ്ട് ദൗര്‍ബല്യങ്ങൾ. എന്റേത് ഭക്ഷണമാണ്. എന്നിലെ പഞ്ചാബി പയ്യൻ ഇത് കൂട്ടി കൊണ്ടെ ഇരുന്നു. എന്റെ കണ്ണുകള്‍ എല്ലായ്‌പ്പോഴും എന്റെ വയറിനേക്കാള്‍ വലുതാണ്.
ലോക്ക്ഡൗൺ സമയത്താണ് രൂപത്തിൽ മാറ്റം വരുത്തണമെന്ന് ഞാൻ തീരുമാനിച്ചത്. അതിനായി ഞാന്‍ എന്നെ തന്നെ സജ്ജമാക്കി. ഈ പുതിയ രൂപത്തിന് ഭക്ഷണത്തിനോട് ഒരു പുതിയ സമീപനം ആവശ്യമാണ്. ഇത് എളുപ്പമാണോ? എല്ലായ്‌പ്പോഴും അല്ല'.