ചിലതരം ഭക്ഷണങ്ങൾ, ഭക്ഷണത്തോടൊപ്പം ചില ഔഷധങ്ങൾ എന്നിവ ഒരേ സമയം കഴിക്കുന്നത് ശരീരത്തിന് ഹാനികരമാണ്. അവ ഏതെന്ന് നോക്കാം. കൊഞ്ചും നാരങ്ങാവെള്ളവും ഒരുമിച്ച് കഴിക്കരുത്. നല്ല ചൂടുള്ളതും ഏറെ തണുത്തതുമായ ആഹാരം ചേർത്ത് കഴിക്കുന്നതും നന്നല്ല. തൈരിനൊപ്പം പഴങ്ങൾ,​ പായസം എന്നിവ ചേർത്തും സിട്രസ് പഴങ്ങളും പാലും ഒരുമിച്ചും കഴിക്കരുത്.

കൂൺ കടുകെണ്ണയിൽ പാകം ചെയ്ത് കഴിക്കരുത്. തേൻ ചൂടാക്കി കഴിക്കുന്നതും ഓട്ടുപാത്രത്തിൽ സൂക്ഷിച്ച നെയ്യ് കഴിക്കുന്നതും നല്ലതല്ല. മത്സ്യത്തിനൊപ്പം തേൻ,​ശർക്കര,​ എള്ള്,​ മുളപ്പിച്ച ധാന്യം തുടങ്ങിയവ കഴിക്കരുത്. കോഴിയിറച്ചിയും തൈരും മത്സ്യവും ഒരുമിച്ച് കഴിക്കുന്നത് ഗുരുതര ചർമ്മരോഗങ്ങൾക്ക് കാരണമായേക്കാം. തണ്ണിമത്തനും വെള്ളവും ഒരുമിച്ച് കഴിക്കുന്നത് ദഹനപ്രശ്നമുണ്ടാക്കും. ചായ- തൈര്,​ വാഴപഴം - തൈര് \മോര്,​ പാൽ - മാംസം,​ ആപ്പിൾ ജ്യൂസ് - അലർജിക്കുള്ള മരുന്ന് തുടങ്ങിയവ ഒരേസമയം കഴിക്കരുത്.