മുംബയ്: മയക്കുമരുന്ന് വാങ്ങുന്നതിനിടെ സീരിയൽ നടി ഉൾപ്പടെ അഞ്ചുപേർ മുംബയിൽ അറസ്റ്റിൽ. സാവദാൻ, ദേവോ കി ദേവ് മഹാദേവ് തുടങ്ങിയ സീരിയലുകളിൽ വേഷമിട്ട നടി പ്രീതിക ചൗഹാനെ നാർകോട്ടിക്സ് കൺട്രോൾ ബ്യൂറോയാണ് പിടികൂടിയത്.
ഇവരെ കില കോടതിയിൽ ഹാജരാക്കും.
സുശാന്ത് സിംഗ് രജ്പുത്തിന്റെ മരണത്തിൽ മയക്കുമരുന്ന് മാഫിയയുടെ പങ്കിനെ കുറിച്ചുള്ള അന്വേഷണത്തിനിടെയാണ് പ്രീതികയും പിടിയിലായത്.
സുശാന്തിന്റെ കാമുകിയും നടിയുമായ റിയ ചക്രവർത്തിയുടെ വാട്സാപ് ചാറ്റുകൾ പുറത്തായതോടെയാണ് മയക്കുമരുന്ന് മാഫിയയുടെ പങ്ക് അന്വേഷണ പരിധിയിൽ വന്നത്. കേസിൽ റിയയേയും സഹോദരൻ സൗവിക് ചക്രവർത്തിയേയും സുശാന്തിന്റെ മാനേജർ സാമുവൽ മിറാൻഡ, ജോലിക്കാരൻ ദിപേഷ് സാവന്ത് എന്നിവരെ അറസ്റ്റ് ചെയ്തിരുന്നു. ദീപിക പദുക്കോൺ, ശ്രദ്ധ കപൂർ, സാറ അലി ഖാൻ, രാകുൽ പ്രീത് സിംഗ് എന്നിവരെ ചോദ്യം ചെയ്തിരുന്നു