മലയാളി പ്രേക്ഷകരുടെ ഇഷ്ട നടിയാണ് രജിഷ വിജയൻ. കൊവിഡ് ലോക്ക് ഡൗണിനിടെ സോഷ്യൽ മീഡിയയിൽ ഏറെ സജീവമായിരുന്നു താരം. ഇൻസ്റ്റഗ്രാമിലെ ചോദ്യോത്തര വേളയിൽ ഒരു ആരാധകന്റെ ചോദ്യവും ആ ചോദ്യത്തിന് താരം നൽകിയ ഉത്തരവുമാണ് സോഷ്യൽ മീഡിയയിൽ ചർച്ചയാകുന്നത്. നിലവിലെ വാട്സ് ആപ്പ് ഡിപി എന്താണ് എന്നായിരുന്നു ചോദ്യം. താൻ വാട്സ്ആപ്പ് ഉപയോഗിക്കാറില്ല എന്ന മറുപടിയാണ് രജിഷ നൽകിയിരിക്കുന്നത്. ഇതോടെ മലയാള സിനിമയിൽ വാട്സ്ആപ്പ് ഉപയോഗിക്കാത്ത ഒരേയൊരു നടി എന്നാണ് സോഷ്യൽ മീഡിയ ഇതിനെ വിശേഷിപ്പിക്കുന്നത്. മേക്കപ്പ് ഇടാതെ ഫോട്ടോ പോസ്റ്റ് ചെയ്യാൻ ആവശ്യപ്പെട്ടതോടെ ഫോട്ടോയും രജിഷ പോസ്റ്റ് ചെയ്തിട്ടുണ്ട്. അനുരാഗ കരിക്കിൻവെള്ളം, ജൂൺ, ഫൈനൽസ്, സ്റ്റാൻഡ് അപ്പ് തുടങ്ങിയ ചിത്രങ്ങളിൽ രജിഷ തിളങ്ങിയിരുന്നു. ലവ് ആണ് രജിഷയുടെതായി ഒടുവിൽ റിലീസായ ചിത്രം.