ദുബായ്: ഇന്ത്യൻ പ്രീമിയർ ലീഗിന്റെ പതിമൂന്നാം സീസണിലെ 47ാം മത്സരത്തിൽ ഡൽഹിക്കെതിരെ ഹെെദരാബാദിന് 88 റൺസ് വിജയം. ആദ്യം ബാറ്റിംഗിനിറങ്ങിയ സൺ റെെസേഴ്സ് ഹെെദരാബാദ് 20 ഓവറിൽ രണ്ട് വിക്കറ്റ് നഷ്ടത്തിൽ 219 റൺസ് നേടി. ഇത് പിന്തുടർന്ന ‌ഡൽഹി ക്യാപിറ്റൽസ് 19 ഓവറിൽ 131 റൺസിന് പുറത്താവുകയായിരുന്നു.

ഹെെദരാബാദിന് വേണ്ടി വൃദ്ധിമാൻ സാഹ 45 പന്തിൽ 87 റൺസ് നേടി മികച്ച പ്രകടനം കാഴ്ചവച്ചു. ടീം ക്യാപ്ടൻ ഡേവിഡ് വാർണർ 34 പന്തിൽ 66 റൺസ് നേടി. ഈ ഐ.പി.എൽ സീസണിൽ രണ്ടാം തവണയാണ് സൺ റെെസേഴ്സ് ഹെെദരാബാദും ഡൽഹി ക്യാപിടൽസും തമ്മിലേറ്റുമുട്ടുന്നത്. കഴിഞ്ഞ മത്സരത്തിൽ ഡൽഹിക്കെതിരെ ഹെെദരാബാദ് 15 റൺസ് വിജയം നേടിയിരുന്നു.