ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം നാല് കോടി നാൽപത്തിരണ്ട് ലക്ഷം കടന്നു. ഇതുവരെ 4,42,33,829 പേർക്കാണ് വൈറസ് ബാധ സ്ഥിരീകരിച്ചത്. മരണസംഖ്യയും കുതിച്ചുയരുകയാണ്.11,71,257 പേർ മരണമടഞ്ഞു. 3,24,38,710 പേർ സുഖം പ്രാപിച്ചു.

ഏറ്റവും കൂടുതൽ രോഗികളുള്ള അമേരിക്കയിൽ പ്രതിദിന കൊവിഡ് ബാധിതരുടെ എണ്ണം കുത്തനെ ഉയരുകയാണ്. യു എസിൽ ഇതുവരെ തൊണ്ണൂറ്റി മൂന്ന് ലക്ഷത്തിലധികം പേർക്കാണ് വൈറസ് ബാധ സ്ഥിരീകരിച്ചത്. 2,32,085 പേർ മരിച്ചു.58 ലക്ഷത്തിലധികം പേർ സുഖം പ്രാപിച്ചു.

ഇന്ത്യയിൽ പ്രതിദിന കൊവിഡ് കേസുകളിൽ വൻകുറവ്. കഴിഞ്ഞ ദിവസം 36,470 പേർക്ക് മാത്രമാണ് രോഗബാധ സ്ഥിരീകരിച്ചതെന്ന് കേന്ദ്ര ആരോഗ്യമന്ത്രാലയം അറിയിച്ചു. ആകെ രോഗബാധിതരുടെ എണ്ണം 80 ലക്ഷത്തോടടുക്കുന്നു. 6,25,857 പേർ മാത്രമാണ് നിലവിൽ ചികിത്സയിലുള്ളത്. ആകെ കേസുകളുടെ 7.88 ശതമാനം മാത്രമാണിത്. ആകെ രോഗമുക്തരുടെ എണ്ണം 72 ലക്ഷം പിന്നിട്ടു

ബ്രസീലിലും സ്ഥിതി ഗുരുതരമായി തുടരുകയാണ്. രാജ്യത്ത് ഇതുവരെ അമ്പത്തിനാല് ലക്ഷത്തിലധികം പേർക്കാണ് കൊവിഡ് സ്ഥിരീകരിച്ചത്.1,57,981 പേർ മരിച്ചു. നാൽപത്തിയൊമ്പത് ലക്ഷത്തിലധികം പേർ രോഗമുക്തി നേടി.