മലയാള സിനിമയിൽ വാഹനപ്രിയരായ നടൻമാരിൽ ഒരാളാണ് ആരാധകരുടെ സ്വന്തം ടോവിനൊ തോമസ്. നിരവധി വാഹനങ്ങളും ടോവിനൊയ്ക്ക് ഉണ്ട്.ഇതിന് പുറമെ മിനി കൂപര്‍ കാറിന്റെ ഏറ്റവും പുതിയ മോഡല്‍ സ്വന്തമാക്കിയിരിക്കുകയാണ് ഇപ്പോൾ ടോവിനോ തോമസ്. കൊച്ചിയിലെ ഷോറൂമില്‍ കുടുംബസമേതമെത്തിയാണ് താരം പുതിയ കാര്‍ വാങ്ങിയത്.
മിനി കൂപ്പറിന്റെ ഏറ്റവും പുതിയ മോഡലാണ് താരം സ്വന്തമാക്കിയത്. നീല നിറത്തിലുള്ള കാർ ബോഡിയിൽ മെഷ് ഫാബ്രിക് ഡിസൈനോട് കൂടിയ രണ്ട് ബ്ലാക്ക് സ്ട്രൈപ്സ് ബോഡി ഗ്രാഫിക്സ് ആയി വരുന്നുണ്ട്. കാറിനൊപ്പം നിൽക്കുന്ന ടോവീനോയുടെയും കുടുംബത്തിന്റെയും ചിത്രങ്ങൾ താരം തന്നെ സോഷ്യൽ മീഡിയയിൽ പങ്കുവച്ചിട്ടുണ്ട്.
ഹോണ്ട സിറ്റി, ഓഡി ക്യൂ സെവൻ, ബി.എം.ഡബ്ല്യു സെവൻ സീരീസ് എന്നീ കാറുകൾ താരം സ്വന്തമാക്കിയിട്ടുണ്ട്. കരിയറിന്റെ തുടക്കകാലത്താണ് ഹോണ്ട സിറ്റി ടൊവീനോയുടെ വാഹനമായിരുന്നത്. 2017ലാണ് ടോവിനൊ ഓഡി ക്യൂ സെവൻ സ്വന്തമാക്കിയത്. KL 45 Q7. 245 എന്ന നമ്പറും തന്റെ ക്യൂ സെവൻ കാറിനായി താരം സ്വന്തമാക്കിയിരുന്നു.2019ലാണ് താരം ബി.എം.ഡബ്ല്യു സെവൻ സീരീസ് സ്വന്തമാക്കിയത്. ബി.എം.ഡബ്ല്യൂവിന്റെ ഏറ്റവും ആഡംബര വാഹനമായ 7 സീരീസ് സെഡാനായ 730എല്‍.ഡി.എം സ്‌പോര്‍ട്ടാണ് ടോവിനൊ സ്വന്തമാക്കിയത്. ഒന്നരക്കോടി രൂപയോളമായിരുന്നു കാറിന്റെ വില.