പാരിസ്: ദശലക്ഷകണക്കിന് ഫ്രഞ്ച് ജനതയെ കൊല്ലാൻ മുസ്ലിംങ്ങൾക്ക് അവകാശമുണ്ടെന്ന് മുൻ മലേഷ്യൻ പ്രധാനമന്ത്രി മഹാതിർ മുഹമ്മദ്. മുൻകാലങ്ങളിൽ ദശലക്ഷകണക്കിന് മുസ്ലിം ജനങ്ങളെ ഫ്രഞ്ചുകാർ കൊന്നൊടുക്കിയിട്ടുണ്ടെന്നും 95 കാരനായ മഹാതിർ പറഞ്ഞു.തന്റെ ട്വീറ്റിലൂടെയാണ് മഹാതിറിന്റെ വിവാദ പരാമർശം.

"ഫ്രഞ്ചുകാർ അവരുടെ ചരിത്രത്തിൽ ദശലക്ഷകണക്കിന് ആളുകളെ കൊന്നിട്ടുണ്ട്. പലരും മുസ്ലീങ്ങളായിരുന്നു, ഇതിനാൽ കോപിക്കാനും ദശലക്ഷകണക്കിന് ഫ്രഞ്ചുകാരെ കൊല്ലാനും മുസ്ലിം ജനതയ്ക്ക് അവകാശമുണ്ട്." മഹാതിർ മുഹമ്മദ് ട്വീറ്റ് ചെയ്തു. കണ്ണിന് പകരം കണ്ണെന്ന നിയമം മുസ്ലിം സമൂഹം ഇത് വരെ സ്വീകരിച്ചിട്ടില്ലെന്നും മഹാതിർ മുന്നറിയിപ്പ് നൽകി.

ഫ്രഞ്ച് പ്രസിഡന്റ് ഇമ്മാനുവൽ മാക്രോണിന്റെ ഇസ്ലാം വിരുദ്ധ പരാമർശങ്ങൾക്കെതിരെയും മഹാതിർ രംഗത്തെത്തി. മാക്രോൺ പരിഷ്കൃതനായ നേതാവല്ല. ഇസ്ലാമിനെ അപമാനിച്ച അദ്ധ്യാപകനെ കൊന്ന സംഭവത്തിൽ മാക്രോൺ മുഴുവൻ ഇസ്ലാം വിശ്വസികളെയും കുറ്റപ്പെടുത്തുകയാണ്. മാക്രോൺ എല്ലാ മുസ്ലിം മതവിശ്വാസികളെയും കുറ്റപ്പെടുത്തിയതിനാൽ മുസ്ലിം ജനതയ്ക്ക് ഫ്രഞ്ചുകാരെ ശിക്ഷിക്കാൻ അധികാരമുണ്ടെന്നും മഹാതിർ പറഞ്ഞു

13. Since you have blamed all Muslims and the Muslims’ religion for what was done by one angry person, the Muslims have a right to punish the French. The boycott cannot compensate the wrongs committed by the French all these years.https://t.co/ysZeXDrQ09

— Dr Mahathir Mohamad (@chedetofficial) October 29, 2020

But by and large the Muslims have not applied the “eye for an eye” law. Muslims don’t. The French shouldn’t. Instead the French should teach their people to respect other people’s feelings.

— Dr Mahathir Mohamad (@chedetofficial) October 29, 2020