ഇ‌സ്‌താംബൂൾ: തുർക്കി ഈജിയൻ തീരത്തുണ്ടായ ശക്തമായ ഭൂചലനത്തിൽ നാലുമരണം. 120ഓളം പേർക്ക് പരിക്കേറ്റു. റിക്​ടർ സ്​കെയിൽ 7.0 തീവ്രത രേഖപ്പെടുത്തിയ ഭൂചലനമാണ്​ ഇന്നലെയുണ്ടായത്. തുടർന്ന്​ തുർക്കിയിലും ഗ്രീസിലും ചലനങ്ങളുണ്ടായി. തുർക്കിയുടെ തീരനഗരമായ ഇസാമിറിൽ 20ഓളം കെട്ടിടങ്ങൾ തകർന്നുവെന്നാണ്​ റിപ്പോർട്ട്​. ഗ്രീസിന്റെയും തുർക്കിയുടെയും തീരത്ത് നിന്ന് ഈജിയൻ കടലിൽ 16.5 കിലോമീറ്ററും ഗ്രീക്ക് ദ്വീപായ സേമോസിന്റെ വടക്ക് കിഴക്കൻ തീരത്ത് നിന്ന് 13 കിലോമീറ്ററും അകലെ കടലിന്റെ അടിത്തട്ടിലാണ് ഭൂചലനത്തിന്റെ പ്രഭവ കേന്ദ്രം. 45,000ത്തോളം ജനങ്ങളാണ് സേമോസ് ദ്വീപിലുള്ളത്.