മോസ്കോ: റഷ്യയുടെ കൊവിഡ് വാക്സിനായ സ്ഫുട്നിക് 5 ന്റെ മൂന്നാംഘട്ട ക്ലിനിക്കൽ പരീക്ഷണം താത്കാലികമായി നിറുത്തിവച്ചു. പല കേന്ദ്രങ്ങളിലും വാക്സിൻ സ്റ്റോക്ക് ഇല്ലാത്തതിനാലാണ് പരീക്ഷണം നിറുത്തിയത്.
വർദ്ധിച്ച ആവശ്യം അനുസരിച്ച് വാക്സിൻ ഡോസുകൾ ലഭ്യമല്ലാത്തതിനാൽ മോസ്കോയിലെ 25 ക്ലിനിക്കുകളിൽ എട്ടിലും പരീക്ഷണങ്ങൾ നിറുത്തിവച്ചതായി അന്താരാഷ്ട്ര മാദ്ധ്യമങ്ങൾ റിപ്പോർട്ട് ചെയ്തു.