വാഷിംഗ്ടൺ: 12 മുതൽ 18 വയസ് വരെ പ്രായമുള്ളവരിൽ കൊവിഡ് വാക്സിൻ പരീക്ഷണം നടത്താനൊരുങ്ങി ജോൺസൺ ആൻഡ്​ ജോൺസൺ. അമേരിക്കയിൽ വെള്ളിയാഴ്ച നടന്ന വെർച്വൽ യോഗത്തിൽ ഇക്കാര്യത്തിൽ ധാരണയായതായി കമ്പനി പ്രതിനിധി അറിയിച്ചു.

വൈകാതെ കുട്ടികളിലും പരീക്ഷണം നടത്തും. പക്ഷേ വളരെ ശ്രദ്ധയോടെ മാത്രമേ ആ ഘട്ടത്തിലേക്ക്​ കടക്കു. കുട്ടികളിൽ പരീക്ഷണം നടത്തുമ്പോൾ സുരക്ഷക്ക്​ അതീവപ്രാധാന്യം നൽകുമെന്നും പരീക്ഷണത്തിന്​ നേതൃത്വം നൽകുന്നവരിൽ ഒരാളായ ഡോ.ജെറി സാൻഡോഫ്​ പറഞ്ഞു.

60,000ത്തോളം വളണ്ടിയർമാരിൽ ​വാക്​സിന്റെ മൂന്നാംഘട്ട പരീക്ഷണം ക​ഴിഞ്ഞ സെപ്തംബറിൽ ആരംഭിച്ചിരുന്നു. ഒരാൾക്ക്​ ഗുരുതരരോഗം കണ്ടെത്തിയതിനെ തുടർന്ന് പരീക്ഷണം നിർത്തിവച്ചു. വാക്​സിൻ പരീക്ഷണം കഴിഞ്ഞായാഴ്​ചയാണ്​ പുനഃരാരംഭിച്ചത്​.