കന്യാകുമാരി: ഒരു ജോലിക്കായി ഏറെ പരിശ്രമിച്ചിട്ടും അത് ലഭിക്കാത്തതിൽ മനംനൊന്ത് ജീവനൊടുക്കിയ നിരവധി പേരെ കുറിച്ച് നമ്മൾ കേട്ടിട്ടുണ്ടാകും. എന്നാൽ കാത്തിരുന്നു നേടിയ ജോലി കിട്ടിയിതിന് പിന്നാലെ യുവാവ് അത്മഹത്യ ചെയ്ത സംഭവം കേട്ടുകേൾവി പോലുമില്ലാത്തതാണ്.

കന്യാകുമാരി സ്വദേശിയായ നവീൻ (32) ആണ് ബാങ്ക് ഓഫ് ഇന്ത്യയിൽ ജോലി കിട്ടിയതിന് പിന്നാലെ ആത്മഹത്യ ചെയ്തത്. ഏറെ നാളായി ജോലി ലഭിക്കാത്തതിൽ നിരാശനായിരുന്നു നവീൻ. താൻ ആഗ്രഹിച്ച പോലെ ജോലി ലഭിച്ചാൽ തന്റെ ജീവൻ ദെെവത്തിനായി സമർപ്പിക്കാമെന്ന് ഇയാൾ നേർച്ച നൽകിയിരുന്നു. ഇയാളുടെ പ്രാർത്ഥന ദെെവം കേട്ടുവെന്ന് തന്നെ പറയാം. വെെകാതെ ബാങ്ക് ഓഫ് ഇന്ത്യയുടെ മുംബയ് ബ്രാഞ്ചിൽ യുവാവിന് ജോലി കിട്ടി.

ജോലി കിട്ടിയതിൽ സന്തോഷവാനായിരുന്നുവെങ്കിലും ദെെവത്തിന് നൽകിയ വാക്ക് പാലിക്കുന്നതിനായി യുവാവ് ആത്മഹത്യ ചെയ്യുകയായിരുന്നു. ജോലി നേടി 15 ദിവസങ്ങൾക്ക് ശേഷം ട്രെയിന് മുന്നിൽ ചാടിയാണ് ഇയാൾ ജീവനൊടുക്കിയത്. ജോലി ലഭിക്കുകയാണെങ്കിൽ താൻ ദെെവത്തോട് ഒപ്പമുണ്ടാകുമെന്ന് നൽകിയ വാഗ്ദാനം നിറവേറ്റുകയാണെന്ന് യുവാവ് തന്റെ ആത്മഹത്യാ കുറിപ്പിൽ പറയുന്നു. സംഭവത്തിൽ നാഗർകോവിൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.