തിരൂരങ്ങാടി: വയലോരത്തെ കാടുകൾ വെട്ടാൻ തിരൂരങ്ങാടി,​ നന്നമ്പ്ര കൃഷി ഓഫീ​സർമാർ
വില്ലേജ് ഓഫീസർക്ക് റിപ്പോർട്ട് നൽകും. കാടുപിടിച്ചു കിടക്കുന്ന ഇത്തരം സ്ഥലങ്ങൾ തെരുവുനായ്ക്കൾ താവളമാക്കുന്നെന്ന കേരളകൗമുദി വാർത്തയെ തുടർന്നാണ് നടപടി. ഇത്തരം ഭൂമി വെട്ടിത്തെളിച്ച് കൃഷിക്കായി ഉപയോഗപ്പെടുത്താനും തീരുമാനമുണ്ട്. കാർഷിക അഭിവൃദ്ധിക്കൊപ്പം തെരുവ് നായ്ക്കളുടെ ശല്യവും ഒരു പരിധി വരെ കുറയ്ക്കാനാവും.