മലപ്പുറം: ജില്ലയിൽ ഇന്നലെ 897 പേർക്ക് കൊവിഡ് സ്ഥിരീകരിച്ചു. സമ്പർക്കത്തിലൂടെ വൈറസ് ബാധിതരാവുന്നവർ അനുദിനം വർദ്ധിക്കുകയാണ്. 821 പേർക്കാണ് നേരിട്ടുള്ള സമ്പർക്കത്തിലൂടെ ഇന്നലെ വൈറസ് ബാധ സ്ഥിരീകരിച്ചത്. ഉറവിടമറിയാതെ 65 പേർക്കും ആറ് ആരോഗ്യ പ്രവർത്തകർക്കും കൊവിഡ് സ്ഥിരീകരിച്ചു. രോഗബാധിതരായവരിൽ മൂന്നുപേർ ഇതര സംസ്ഥാനങ്ങളിൽ നിന്നെത്തിയവരും രണ്ടുപേർ വിദേശരാജ്യങ്ങളിൽ നിന്നെത്തിയവരുമാണ്. അതേസമയം വിദഗ്ദ്ധ ചികിത്സയ്ക്ക് ശേഷം 731 പേർ ഇന്നലെ രോഗമുക്തരായി.

55,678 പേരാണ് ഇപ്പോൾ ജില്ലയിൽ നിരീക്ഷണത്തിലുള്ളത്.

10,504 പേർ വിവിധ ചികിത്സാ കേന്ദ്രങ്ങളിൽ നിരീക്ഷണത്തിലുണ്ട്.