മലപ്പുറം: മന്ത്രി കെ.ടി. ജലീലിനെ അപകീർത്തിപ്പെടുത്തിയ കേസിൽ പ്രവാസിയായ യാസർ എടപ്പാളിനെതിരെ മലപ്പുറം ജില്ലാ പൊലീസ് മേധാവി യു.അബ്ദുൾ കരീം ലുക്ക് ഔട്ട് നോട്ടീസ് പുറത്തിറക്കി. ചങ്ങരംകുളം പൊലീസ് രജിസ്റ്റർ ചെയ്ത കേസിലാണ് നോട്ടീസ്. മന്ത്രിയുടെ വാട്സാപ്പ് ഹാക്ക് ചെയ്ത് വിവരങ്ങൾ ശേഖരിച്ചുവെന്ന് കഴിഞ്ഞ ദിവസം യാസർ വെളിപ്പെടുത്തിയിരുന്നു. പാർട്ടി ഐടി സെല്ലിന്റെ നേതൃത്വത്തിൽ വാട്സാപ്പ് ഹാക്ക് ചെയ്തു എന്നായിരുന്നു വെളിപ്പെടുത്തൽ.
മന്ത്രിക്കെതിരെ സോഷ്യൽ മീഡിയയിൽ പോസ്റ്റിട്ട യാസറിനെ നാടുകടത്തി നാട്ടിലെത്തിക്കാൻ യുഎഇ കോൺസുലേറ്റിന്റെ സഹായം കെ.ടി. ജലീൽ തേടിയെന്ന് സ്വർണക്കസിൽ പ്രതിയായ സ്വപ്ന സുരേഷ് വെളിപ്പെടുത്തിയത് വിവാദമായിരുന്നു