പത്തനംതിട്ട: സാമൂഹിക പ്രവർത്തക ഡോ.എം.എസ്.സുനിൽ ഭവന രഹിതരായ നിരാലാംബർക്ക് പണിതു നൽകുന്ന 181മത്തെ സ്‌നേഹ ഭവനം, ഇളമണ്ണൂർ, പൂതങ്കര, കുന്നത്തു തെക്കേതിൽ രാധാമണിക്കും കുടുംബത്തിനുമായി വിദേശ മലയാളിയായ ജോസ് കരിങ്കുളത്തിന്റെ സഹായത്തോടെ നിർമ്മിച്ചു നൽകി. ഉദ്ഘാടനവും, താക്കോൽദാനവും ബ്ലോക്ക് പഞ്ചായത്ത് പ്രസിഡന്റ് ബീനാ പ്രഭ നിർവഹിച്ചു. പഞ്ചായത്ത് പ്രസിഡന്റ് പ്രീത രമേഷ്, പഞ്ചായത്തംഗം രാജഗോപാൽ, വാർഡ് മെമ്പർ സജിത, കെ.പി ജയലാൽ, അഭിജിത്ത് യശോധരൻ എന്നിവർ പ്രസംഗിച്ചു.