മലയാലപ്പുഴ: ഉന്നത നിലവാരത്തിൽ നവീകരിക്കുന്ന ആഞ്ഞിലുകുന്ന് കിഴക്കുപുറം കോട്ടമുക്ക് റോഡിന്റെ പണികൾ പരോഗമിക്കുന്നു. കിഫ്ബിയുടെ ഫണ്ടുപയോഗിച്ച് 5.5 മീറ്റർ വീതിയിൽ 6 കോടി രൂപ മുതൽ മുടക്കി ബി.എം ആൻഡ് ബി.സി നിലവാരത്തിലാണ് റോഡ് നവീകരിക്കുന്നത്. നിലവിൽ ഈ റോഡിന് 3.8 മീറ്റർ വീതിയിൽ മാത്രമാണ് ടാറിംഗ് ഉള്ളത്. നാലു കിലോമീറ്ററിലധികം ദൂരമുള്ള റോഡിൽ ഒരു പൈപ്പ് കലുങ്കും 450 മീറ്റർ നീളത്തിൽ ഓട നിർമ്മാണവും,1000 മീറ്റർ ഐറീഷ് ഓടയും നിർമ്മിയ്ക്കും. മുന്നറിയിപ്പ് ബോർഡുകൾ,ദിശ സൂചിക ബോർഡുകൾ, ക്രാഷ് ബാരിയർ,റോഡ് സ്റ്റഡ്സ് എന്നിവയും സുരക്ഷാ മുൻകരുതലുകളുടെ ഭാഗമായി സ്ഥാപിയ്ക്കും.റോഡിന്റെ ഒരു വശത്തായി 6 മീറ്റർ വരെ താഴ്ചയിലുള്ള സ്ഥലങ്ങളിൽ സംരക്ഷണ ഭിത്തി നിർമ്മാണവും പദ്ധതിയുടെ ഭാഗമായി വിഭാവനം ചെയ്തിട്ടുണ്ട്. വൈദ്യുതി പോസ്റ്റുകളും,ട്രാൻസ്‌ഫോർമാറുകളും,വാട്ടർ അതോറിറ്റി പൈപ്പുകളും മാറ്റി സ്ഥാപിക്കുന്നതിനും പദ്ധതിയിൽ തുക വകയിരുത്തിയിട്ടുണ്ട്.

പ്രധാന പാത

മലയാലപ്പുഴ ദേവിക്ഷേത്രം,പൊന്നമ്പി പള്ളി എന്നീ ആരാധനാലയങ്ങളിലേക്കുള്ള പ്രധാന പാതയാണിത്.ശബരിമല തീർത്ഥടകരും അടവി,ഗവി,അനക്കൂട് എന്നിവിടങ്ങളിലേക്ക് പോകുന്ന ടൂറിസ്റ്റുകളും ഉപയോഗിക്കുന്ന റോഡ് ആധുനിക നിലവാരത്തിലേക്ക് മാറുന്നതോടെ പ്രദേശത്തിന്റെ മുഖച്ഛായക്ക് തന്നെ മാറ്റമുണ്ടാകും.

-5.5 മീറ്റർ വീതിയിൽ 6 കോടി രൂപ മുതൽ മുടക്ക്

450 മീറ്റർ നീളത്തിൽ ഓട നിർമ്മാണവും,

1000 മീറ്റർ ഐറീഷ് ഓടയും നിർമ്മിയ്ക്കും