പത്തനംതിട്ട : ജില്ലയിൽ ഇന്നലെ 203 പേർക്ക് കൊവിഡ് സ്ഥിരീകരിച്ചു.
രോഗം സ്ഥിരീകരിച്ചവരിൽ രണ്ടു പേർ വിദേശ രാജ്യങ്ങളിൽ നിന്ന് വന്നവരും 23 പേർ മറ്റ് സംസ്ഥാനങ്ങളിൽ നിന്ന് വന്നവരും 178 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 22 പേരുണ്ട്.

ഇതുവരെ 12328 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 9377 പേർ സമ്പർക്കം മൂലം രോഗം ബാധിച്ചവരാണ്. ജില്ലയിൽ ഇതുവരെ 70 പേർ മരണമടഞ്ഞു. കൂടാതെ കൊവിഡ് ബാധിതരായ മൂന്നു പേർ മറ്റ് രോഗങ്ങൾ മൂലമുളള സങ്കീർണതകൾ നിമിത്തം മരണമടഞ്ഞിട്ടുണ്ട്.
ഇന്നലെ 375 പേർ രോഗമുക്തരായി. ആകെ രോഗമുക്തരായവരുടെ എണ്ണം 9452 ആണ്. ജില്ലക്കാരായ 2803 പേർ ചികിത്സയിലാണ്.

കണ്ടെയ്ൻമെന്റ് സോണുകൾ

നാറാണംമൂഴി ഗ്രാമപഞ്ചായത്തിലെ വാർഡ് രണ്ട് (കമ്പിലൈൻ ഭാഗം), പത്തനംതിട്ട മുനിസിപ്പാലിറ്റിയിലെ വാർഡ് 15, 20, 21, 22, 23, 24, കല്ലൂപ്പാറ ഗ്രാമപഞ്ചായത്തിലെ വാർഡ് ഒന്ന് (ചെങ്ങരൂർ പള്ളി മുതൽ ചെങ്ങരൂർ ചിറ വരെ ഭാഗം), വാർഡ് എട്ട് (മാറാട്ടുതോപ്പ് അങ്കൻൻവാടി മുതൽ മാറാട്ട് പ്രസ് വരെ ഭാഗം) എന്നീ സ്ഥലങ്ങളിൽ കണ്ടെയ്ൻമെന്റ് സോൺ നിയന്ത്രണം ഏർപ്പെടുത്തി.

നിയന്ത്രണം നീട്ടി
തോട്ടപ്പുഴശേരി ഗ്രാമപഞ്ചായത്തിലെ വാർഡ് ആറ്, 13 (നെല്ലിമല കോളനി ഉൾപ്പെടുന്ന ഭാഗം) എന്നീ സ്ഥലങ്ങളിൽ കണ്ടെയ്ൻമെന്റ് സോൺ നിയന്ത്രണം നീട്ടി.

നിയന്ത്രണം നീക്കി
നാറാണംമൂഴി ഗ്രാമപഞ്ചായത്തിലെ വാർഡ് 10 (ഗവ.ആയൂർവേദ ആശുപത്രി അടിച്ചിപ്പുഴ മുതൽ സൊസൈറ്റിപ്പടി അനക്കല്ലിൽപ്പടി വരെ) കണ്ടെയ്ൻമെന്റ് സോൺ നിയന്ത്രണത്തിൽ നിന്ന് ഒഴിവാക്കി.