പത്തനംതിട്ട: ഡി.സി.സി ഭാരവാഹികളുടെയും മണ്ഡലം പ്രസിഡന്റുമാരുടെയും പ്രവർത്തന മികവിന്റെ പരിശോധന ഡി.സി.സി യിൽ തുടങ്ങി.
കെ.പി.സി.സി തയ്യാറാക്കി നൽകിയ മാതൃകയിൽ ഡി.സി.സി ഭാരവാഹികളും മണ്ഡലം പ്രസിഡന്റുമാരും അവരുടെ പ്രവർത്തന വിവരങ്ങൾ ഒരോ മാസവും അഞ്ചാം തീയതിക്ക് മുമ്പായി ഡി.സി.സി യിൽ നൽകണമായിരുന്നു. ചാർജ്ജുള്ള മണ്ഡലങ്ങളിലെ വിവരങ്ങൾ ഡി.സി.സി ഭാരവാഹികൾ രേഖപ്പെടുത്തണമായിരുന്നു. ഇങ്ങനെ ലഭിച്ച റിപ്പോർട്ടുകളുടെ പരിശോധനയും വിലയിരുത്തലുമാണ് നടന്നത്.
ഭാരവാഹികളുടെ മികവിന്റെ അടിസ്ഥാനത്തിൽ പച്ച, മഞ്ഞ, ചുവപ്പ്, ഗ്രേഡുകൾ നൽകും. പാർട്ടി ഏൽപ്പിച്ച സംഘടനാ ചുമതലകൾ എങ്ങനെ നിർവഹിച്ചുവെന്നും പാർട്ടിയുടെ സമരപരിപാടികളിലെ പങ്കാളിത്തവും മറ്റുമാണ് മാനദണ്ഡങ്ങളായി നിശ്ചയിച്ചിരിക്കുന്നത്. മണ്ഡലം, ബ്ലോക്ക് തലത്തിൽ പങ്കെടുക്കുന്ന പാർട്ടി പരിപാടികളുടെ വിവരങ്ങളും വാർഡ് കമ്മിറ്റികളുടെ പ്രവർത്തനവും മാതൃകയിൽ ചോദിച്ചിട്ടുണ്ട്.പെർഫോമൻസ് അസസ്‌മെന്റ് ചാർജ്ജുള്ള കെ.പി.സി.സി ജനറൽ സെക്രട്ടറി അഡ്വ. സജീവ് ജോസഫിന്റെ നേതൃത്വത്തിലായിരുന്നു പരിശോധന. ചാർജ്ജുള്ള കെ.പി.സി.സി ജനറൽ സെക്രട്ടറി എ.എ ഷുക്കൂറും പങ്കെടുത്തു.ഡി.സി.സി പ്രസിഡന്റ് ബാബു ജോർജ്ജ് അദ്ധ്യക്ഷത വഹിച്ചു.
കെ.പി.സി.സി ജനറൽ സെക്രട്ടറി എ.എ. ഷുക്കൂർ, കെ.പി.സി.സി സെക്രട്ടറി റിങ്കു ചെറിയാൻ, ഡി.സി.സി ഭാരവാഹികളായ എ. സുരേഷ് കുമാർ, വെട്ടൂർ ജ്യോതിപ്രസാദ്, അനിൽ തോമസ്, റോബിൻ പീറ്റർ, സാമുവൽ കിഴക്കുപുറം, കാട്ടൂർ അബ്ദുൾ സലാം, വി.ആർ സോജി, സുനിൽ എസ് ലാൽ, റജി പൂവത്തൂർ, ഹരികുമാർ പൂതങ്കര എന്നിവർ പ്രസംഗിച്ചു.