പള്ളിക്കൽ : മേലൂട് കോളനി മണ്ണ് സംരക്ഷണ പ്രവർത്തനങ്ങൾക്ക് തുടക്കമായി. ജില്ലാ പഞ്ചായത്ത് 2019-20 വാർഷിക പദ്ധതിയിൽ ഉൾപ്പെടുത്തി നിർമ്മിക്കുന്നപള്ളിക്കൽ ഡിവിഷനിലെ പള്ളിക്കൽ പഞ്ചായത്തിൽ ഉൾപ്പെട്ട മേലൂട് കോളനിയിൽ നടപ്പിലാക്കുന്ന മണ്ണ് സംരക്ഷണപ്രവർത്തനങ്ങളുടെ ഉദ്ഘാടനം ജില്ലാ പഞ്ചായത്ത് അംഗം ടി. മുരുകേഷ് നിർവഹിച്ചു. പഞ്ചായത്ത് വൈസ് പ്രസിഡന്റ്എ.പി സന്തോഷ് അദ്ധ്യക്ഷത വഹിച്ചു. ബ്ലോക്ക് മെമ്പർ മായ ഉണ്ണികൃഷ്ണൻ മണ്ണുസംരക്ഷണ വിഭാഗം ഉദ്യാഗസ്ഥർ പ്രദേശവാസികൾ, ഗുണഭോക്താക്കൾ തുടങ്ങിയവർ പങ്കെടുത്തു. പദ്ധതി പ്രവർത്തനങ്ങൾക്കായി 20 ലക്ഷം രൂപയാണ് വകയിരുത്തിയിട്ടുള്ളത്.