പത്തനംതിട്ട: കാർ താഴ്ചയിലേക്ക് മറിഞ്ഞ് കാറോടിച്ച ഗൃഹനാഥൻ മരിച്ചു. വഞ്ചികപ്പൊയ്ക പൂവപ്പള്ളിൽ കുര്യൻ പി തോമസാണ് (74) മരിച്ചത്. ഇന്നലെ വൈകിട്ട് 5.45 ഓടെ കൊന്നമൂട് വഞ്ചികപ്പൊയ്ക റോഡിലാണ് അപകടം. ശക്തമായ മഴയിൽ കയറ്റം കയറി വരുമ്പോൾ നിയന്ത്രണംവിട്ട് മറിഞ്ഞതാണെന്ന് കരുതുന്നു. തലകീഴായി മറിഞ്ഞുകിടന്ന കാറിന്റെ ചില്ലുകൾ തകർത്താണ് കുര്യനെ പുറത്തെടുത്തത്. പത്തനംതിട്ടയിലെ സ്വകാര്യ ആശുപത്രിയിൽ എത്തിച്ചപ്പോഴേക്കും മരിച്ചു. സംസ്‌കാരം പിന്നീട്. ഭാര്യ: ലീലാമ്മ. മക്കൾ: ജൂലി, ജിജി (ഇരുവരും യുഎസ്എ), ജിനി (കാനഡ), ജയ്‌മോൾ. മരുമക്കൾ: ജോജി, അനു (ഇരുവരും യുഎസ്എ), മാർക്ക് (കാനഡ), ഗോഡ്‌ലി (ഖത്തർ).