പത്തനംതിട്ട : ഇരുചക്ര വാഹനയാത്രി​കർക്ക് നാളെ മുതൽ ഹെൽമെറ്റ് നിർബന്ധമാക്കുകയാണ്. ഹെൽമെറ്റ് ഇല്ലെങ്കിൽ വാഹനം ഒാടി​ക്കുന്ന ആളുടെ ലൈസൻസ് മൂന്ന് മാസത്തേക്ക് സസ്പെൻഡ് ചെയ്യും. കർശനമായി പരിശോധനകളും പിഴകളും ഏർപ്പെടുത്തിയെങ്കിലും ഹെൽമെറ്റ് ധരിച്ച് വാഹനം ഓടിക്കാൻ പലർക്കും ബുദ്ധിമുട്ടാണ്.

ഈ മാസം 29 വരെ 421പേർക്ക് പിഴ നൽകിയിട്ടുണ്ട്. ഓഗസ്റ്റ്, സെപ്തംബർ മാസങ്ങളിലായി എണ്ണൂറിലധികം പേരാണ് ഹെൽമെറ്റില്ലാത്തതിന് പിടിയിലായത്. ഇ -പോസ് മെഷീൻ, ഇ -ചെലാൻ സംവിധാനത്തിലൂടെയാണ് മോട്ടോർവാഹനവകുപ്പ് പിഴ ഈടാക്കുന്നത്. നവംബർ ഒന്നു മുതൽ കർശന പരിശോധന ഏർപ്പെടുത്തും.

"നിർബന്ധിതമായുള്ള പിഴയടപ്പിക്കൽ രീതിയില്ല. പകരം ഫോട്ടോയെടുത്ത് പിഴ ഈടാക്കി അഡ്രസിൽ അയയ്ക്കും. കർശന പരിശോധന ഉണ്ടാകും. ഇരുചക്രവാഹനങ്ങളുടെ മുന്നി​ലും പി​ന്നി​ലും യാത്ര ചെയ്യുന്നവർ ഹെൽമെറ്റ് നിർബന്ധമായും ധരിക്കണം. "
പി.ആർ.സജീവ്

(എൻഫോഴ്സ്മെന്റ് ആർ.ടി.ഒ)

ഹെൽമെറ്റ് ധരിക്കാതെ യാത്ര ചെയ്യുന്നവരുടെ ഡ്രൈവിംഗ് ലൈസൻസ് മൂന്ന് മാസത്തേക്ക് സസ്പെൻഡ് ചെയ്യും.