കു​ണ്ട​റ: ബസ് ഇടിച്ച് റോഡിൽ വീണ ബൈക്ക് യാത്രക്കാരി ബ​സിന്റെ പിൻ ചക്രങ്ങൾ കയറിയിറങ്ങി തത്ക്ഷണം മ​രി​ച്ചു. കി​ഴ​ക്കേക​ല്ല​ട ഉ​പ്പൂ​ട് ഷി​ബു ഭ​വ​നിൽ എൻ. ഭാ​നു​വി​ന്റെ ഭാ​ര്യ എൻ. സു​ധർ​മ്മയാണ് (61) മ​രി​ച്ച​ത്. ഇന്നലെ ഉച്ചയ്ക്ക് 11.40 ​ഓ​ടെ പ​ള്ളി​മു​ക്ക് ചി​റ്റു​മ​ല റോ​ഡിൽ ഓ​ണ​മ്പ​ല​ത്തി​നും സൗ​ന്ദ​ര്യ ജംഗ്​ഷ​നു​മി​ട​യിൽ വ​ള​വിലാ​യി​രു​ന്നു അ​പ​ക​ടം.

പി​ന്നിൽ​ നി​ന്നെ​ത്തി​യ ബ​സ് സ്​കൂ​ട്ട​ർ മ​റി​ക​ട​ക്കു​ന്ന​തി​നി​ടെ ഇ​ട​ത്തേ​ക്ക് വെ​ട്ടി​ച്ചപ്പോഴായിരുന്നു അപകടം.

സ്​കൂ​ട്ട​റി​ന് പി​ന്നി​ലി​രു​ന്ന സു​ധർ​മ്മ റോ​ഡി​ലേ​ക്കും സ്​കൂ​ട്ടർ ഓ​ടി​ച്ചി​രു​ന്ന ബ​ന്ധു പ്രീ​ത ഇ​ട​തു​വ​ശ​ത്തേ​ക്കുമാണ് വീ​ണത്. സു​ധർ​മ്മ​യു​ടെ ശരീരത്തിലൂടെ ബ​സി​ന്റെ പിൻ​ച​ക്രം ക​യ​റി​യി​റ​ങ്ങി​. പ്രീ​ത ചെ​റി​യ പ​രി​ക്കു​ക​ളോ​ടെ ര​ക്ഷ​പ്പെ​ട്ടു. എ​തി​രേ വ​ന്ന ഓ​ട്ടോ​റി​ക്ഷ​യിൽ ഇടി​ക്കാ​തി​രി​ക്കാൻ ബ​സ് വെ​ട്ടി​ച്ചതാണെന്ന് ദൃ​ക്‌​സാ​ക്ഷി​കൾ പ​റ​യു​ന്നു. ഹൃ​ദ്രോ​ഗി​യായ സു​ധർ​മ്മ ഡോ​ക്ടറെ കാണുന്നതിനാണ് ബ​ന്ധു​വി​നൊപ്പം പു​റ​പ്പെ​ട്ട​ത്. സം​സ്​കാ​രം നാളെ വീ​ട്ടു​വ​ള​പ്പിൽ ന​ടക്കും. മ​ക്കൾ: ഷി​ബു​ലാൽ (ദു​ബാ​യ്), ഷീ​ബ. മ​രു​മ​ക്കൾ: സ​ന്തോ​ഷ്, അ​ശ്വ​തി.