പു​ന​ലൂർ: പു​ന​ലൂർ ന​ഗ​ര​സ​ഭ​യു​ടെ നി​യ​ന്ത്ര​ത്തി​ലു​ള്ള​ ഏ​ഴു​നി​ല​യു​ള്ള കെ​ട്ടി​ട സ​മു​ച്ച​യ​ത്തി​ന്റെ ന​വീ​ക​ര​ണം നിറുത്തിവച്ചു. ഒ​രു വർ​ഷ​ത്തി​നു​ള്ളിൽ ന​വീ​ക​ര​ണ ജോ​ലി​കൾ പൂർ​ത്തി​യാ​ക്കു​മെ​ന്ന പ്ര​ഖ്യാ​പ​ന​വു​മാ​യി ന​വീ​ക​ര​ണ ജോ​ലികൾ അം​ഭി​ച്ചി​ട്ട് ഇ​പ്പോൾ ര​ണ്ട​ര വർ​ഷം പി​ന്നി​ടു​ന്നു. മ​രാ​മ​ത്ത് പ്ര​വൃ​ത്തി​കൾ പോ​ലും പൂർ​ത്തി​യാ​ക്കാൻ ക​ഴി​യാ​തെയാണ് ന​വീ​ക​ര​ണ ജോ​ലി​കൾ ഇ​പ്പോൾ നി​ർത്തിയത്. മെ​ക്കാ​നി​ക്കൽ, ഇ​ല​ക്ട്രി​ക്കൽ തു​ട​ങ്ങി​യ പ്ര​വൃ​ത്തി​കൾ​ക്ക് ഇ​ത് വ​രെ സാ​ങ്കേ​തി​കാ​നു​മ​തി ല​ഭി​ച്ചി​ട്ടി​ല്ല.
പ​ദ്ധ​തി വി​ഹി​ത​ത്തി​ലു​ണ്ടാ​യ കു​റ​വും അ​നു​മ​തി​കൾ സ​മ​യ​ബ​ന്ധി​ത​മാ​യി നേ​ടി​യെ​ടു​ക്കു​ന്ന​തി​ലു​ള്ള വീ​ഴ്​ച​യു​മാ​ണ് ന​വീ​ക​ര​ണ ജോ​ലി​കൾ അ​ന​ന്ത​മാ​യി നീ​ണ്ടു​പോ​കു​ന്ന​തി​ന്റെ മു​ഖ്യ കാ​ര​ണം. എ​ന്നാൽ നിർ​മ്മാ​ണ ജോ​ലി​കൾ അ​നി​ശ്ചി​ത​മാ​യി നീ​ളു​ന്ന​തു​മൂ​ലം ന​ഗ​ര​സ​ഭ​ക്ക് പ്ര​തി​മാ​സ വാ​ട​ക​യി​ന​ത്തിൽ ല​ക്ഷ​ങ്ങ​ളാ​ണ് ന​ഷ്ട​പ്പെ​ട്ടു കൊ​ണ്ടി​രി​ക്കു​ന്ന​ത്.

സാ​മൂ​ഹ്യ​വി​രു​ദ്ധ​രു​ടെ​ കേന്ദ്രം
തൂ​ക്കു​പാ​ലം ക​ഴി​ഞ്ഞാൽ പു​ന​ലൂർ പ​ട്ട​ണ​ത്തി​ന്റെ അ​ട​യാ​ള​മാ​ണ് കെ.എ​സ്.ആർ.ടി.സി ജം​ഗ്​ഷ​നിൽ ത​ല​യുയർത്തി​നിൽ​ക്കു​ന്ന ഏ​ഴു​നി​ല​യു​ള്ള കെ​ട്ടി​ടം. 1980​ക​ളിൽ നിർ​മ്മി​ക്ക​പ്പെ​ട്ട ഈ ബ​ഹു​നി​ല കെ​ട്ടി​ടം ന​ഗ​ര​സ​ഭ​യു​ടെ പ്ര​ധാ​ന വ​രു​മാ​ന മാർ​ഗ​ങ്ങ​ളിൽ ഒ​ന്നാ​യി​രു​ന്നു. ബാ​ങ്കു​കൾ ഉൾ​പ്പ​ടെ നി​ര​വ​ധി സർ​ക്കാർ, സ്വ​കാ​ര്യ സ്ഥാ​പ​ന​ങ്ങ​ളും വ്യാ​പാ​ര​ശാ​ല​ക​ളും ഇവിടായിരുന്നു . എ​ന്നാൽ മ​തി​യാ​യ സം​ര​ക്ഷ​ണ​മി​ല്ലാ​തെ കെ​ട്ടി​ടം നാ​ശ​ത്തി​ലേ​ക്ക് കൂ​പ്പ് കുത്തി. ഇ​ത് കാ​ര​ണം വാ​ട​ക​ക്ക് പ്ര​വർ​ത്തി​ച്ചു വ​ന്നി​രു​ന്ന പ്ര​ധാ​ന സ്ഥാ​പ​ന​ങ്ങ​ളെ​ല്ലാം ഒ​ഴി​ഞ്ഞു പോ​യി. മു​റി​ക​ളു​ടെ വാ​തി​ലും ജ​നാ​ല​യും ദ്ര​വി​ച്ചു ഭി​ത്തി​കൾ വി​ണ്ടു കീ​റു​ക​യു ചെ​യ്​തു. ലിഫ്റ്റ് ഉൾ​പ്പ​ടെ​യു​ള്ള സം​വി​ധാ​ന​ങ്ങൾ ന​ശി​ച്ചു​പോ​യി. ഉ​പ​യോ​ഗി​ക്കാ​വു​ന്ന മു​റി​കൾ വാ​ട​ക നൽ​കാ​തെ വ​ന്ന​പ്പോൾ പ​ല​രും ക​യ്യേ​റി. പ​ട്ടാ​പ്പ​കൽ പോ​ലും കെ​ട്ടി​ട​ത്തി​നുൾ​ഭാ​ഗം മ​ദ്യ​പാ​നി​ക​ളു​ടെ​യും, സാ​മൂ​ഹ്യ​വി​രു​ദ്ധ​രു​ടെ​യും വി​ഹാ​ര​കേ​ന്ദ്ര​മാ​യി മാ​റി.

കരാറുകാർക്ക് പണം നൽകിയില്ല
3.90 കോ​ടി രൂ​പ​യു​ടെ അ​ട​ങ്ക​ലു​മാ​യി 2018 ഏ​പ്രിൽ 25​നാ​ണ് കെ​ട്ടി​ട സ​മു​ച്ച​യ​ത്തി​ന്റെ നവീകരണം ആ​രം​ഭി​ക്കു​ന്ന​ത്. 12 മാ​സ​മാ​യി​രു​ന്നു നിർ​മ്മാ​ണ കാ​ലാ​വ​ധി. ഇ​തിൽ​ത്ത​ന്നെ മ​രാ​മ​ത്തു പ്ര​വൃ​ത്തി​കൾ ഡി​സം​ബ​റി​നു​ള്ളിൽ തീർ​ക്ക​ണ​മെ​ന്നാ​യി​രു​ന്നു വ്യ​വ​സ്ഥ. 2.80 കോ​ടി രൂ​പ​യു​ടെ മ​രാ​മ​ത്ത് പ്ര​വൃ​ത്തി​കൾ​ക്ക് സാ​ങ്കേ​തി​ക അ​നു​മ​തി നേ​ടി​ക്കൊ​ണ്ടാ​യി​രു​ന്നു നിർ​മ്മാ​ണ ജോ​ലി​കൾ​ക്കു തു​ട​ക്കം ക്കു​റി​ച്ച​ത്. ഇ​തി​നി​ട​യിൽ അ​ട​ങ്കൽ തു​ക 4.60 കോ​ടി​യി​ലേ​യ്​ക്ക് ഉ​യർ​ന്നു. എ​ന്നാൽ ക​രാ​റു​കാർ​ക്ക് സ​മ​യ​ബ​ന്ധി​ത​മാ​യി പ​ണം നൽ​കാൻ ക​ഴി​യാ​തെ വ​ന്ന​തോ​ടെ​യാ​ണ് ന​വീ​ക​ര​ണ ജോ​ലി​കൾ നി​ല​ച്ച​ത്.

നിറുത്തി വച്ച നവീകരണ ജോലികൾ അടുത്ത ആഴ്ച പുനരാരംഭിക്കും. കരാറുകാരന് നൽകാനുളള കുടിശിക തുകയായ 75ലക്ഷം രൂപ ഉടൻ നൽകും.

കെ.എ.ലത്തീഫ് പുനലൂർ നഗരസഭ ചെയർമാൻ