ചടയമം​ഗലം : കുട്ടികൾക്ക് നിരോധിത പുകയില ഉത്പന്നങ്ങൾ വിൽപ്പന നടത്തിയ ഇട്ടിവ വില്ലേജിൽ വയ്യാനം, സാബു സദനത്തിൽ സുരേന്ദ്രബാബു(65) വിനെ ചടയമം​ഗലം സി.ഐ പ്രദീപിന്റെ നേതൃത്വത്തിലുള്ള സംഘം പിടികൂടി. ഇയാൾ തന്റെ വീടിന് മുൻവശമുള്ള കടയിൽ നിന്ന് 15 വയസിൽ താഴെ മാത്രം പ്രായമുള്ള കുട്ടികൾക്ക് നിരോധിത പുകയില ഉത്പന്നം വിൽക്കുന്നത് പൊലീസ് സംഘത്തിന്റെ ശ്രദ്ധയിൽപെട്ടതിനെ തുടർന്നായിരുന്നു അറസ്റ്റ്.