കുന്നിക്കോട് : പെൺകുട്ടികളുടെ ഫോൺ നമ്പരുകൾ ശേഖരിച്ച് അശ്ലീല യുട്യൂബ് ചാനലുകളിലും ഇൻസ്റ്റ​ഗ്രാമിലും പ്രചരിപ്പിക്കുകയും അശ്ലീല മെസേജുകൾ അയക്കുകയും ചെയ്ത കേസിലെ പ്രതിയും ഡോക്ടറുമായ തമിഴ്നാട്, പുതുക്കോട്ടയിൽ, ​ഗന്ധർവ്വക്കോട്ട മുസ്ലീം തെരുവിൽ അബ്ദുൾ കലാമിനെ(25) കുന്നിക്കോട് പൊലീസ് അറസ്റ്റ് ചെയ്തു. കുന്നിക്കോട് എസ്.ഐ വിനു, ജയകുമാർ, രാഹുൽ എന്നിവരുടെ നേതൃത്വത്തിലുള്ള പൊലീസ് സംഘമാണ് പ്രതിയെ തമിഴ്നാട്ടിൽ നിന്നും പിടികൂടിയത്. ഡോക്ടറായ പ്രതി കൂടെ പഠിച്ച പെൺകുട്ടികളുടെ ഫോൺ നമ്പരുകൾ ശേഖരിച്ച ശേഷം നിരവധി അശ്ലീല സൈറ്റുകളിലും വാട്സ് ആപ്പ് ​ഗ്രൂപ്പുകളിലും പോസ്റ്റ് ചെയ്യുകയായിരുന്നു. അതോടെ പെൺകുട്ടികൾക്ക് പലയിടങ്ങളിൽ നിന്നായി വിളികൾ വരാൻ തുടങ്ങിയതോടെയാണ് പരാതി ലഭിച്ചത് . കുന്നിക്കോട് സ്വദേശിനിയും ചെറിയ വെളിനല്ലൂർ സ്വദേശിനിയുമായ രണ്ട് പെൺകുട്ടികൾ കൊല്ലം റൂറൽ ജില്ലാ പൊലീസ് മേധാവി ഹരിശങ്കർ ഐ.പി.എസി ന് പരാതി നൽകി. പിന്നീട് കൊല്ലം റൂറൽ സൈബർ സെൽ നടത്തിയ അന്വേഷണത്തിന് ഒടുവിൽ കുറ്റവാളിയെ കണ്ടെത്തുകയായിരുന്നു.