കി​ഴ​ക്കേ ഇ​റ്റ​ലി​യി​ലു​ള്ള കൊ​ളൊ​ബോ​റോ എന്ന ഗ്രാമം യൂ​റോ​പ്പി​ലെ ഏ​റ്റ​വും ശ​പി​ക്ക​പ്പെ​ട്ട ഗ്രാ​മം എ​ന്നാ​ണ് അ​റി​യ​പ്പെ​ടു​ന്ന​ത്. അവിടെ പ​ക​ലു​പോ​ലും മ​ന്ത്ര​വാ​ദി​നി​ക​ൾ പ​റ​ന്നു ന​ട​ക്കു​ന്നു എ​ന്നാണ് വിശ്വാസം. പലർക്കും ഈ ​ഗ്രാ​മ​ത്തിന്റെ പേ​രു പ​റ​യാ​ൻ പോ​ലും പേ​ടി​യാ​ണ്. അ​വ​രു​ടെ സം​സാ​ര​ങ്ങ​ളി​ലും സാ​ഹി​ത്യ​ത്തി​ലു​മെ​ല്ലാം കൊ​ളൊ​ബോ​റോ​യെ “ആ ​ഗ്രാ​മം” എ​ന്നാ​ണ് പ​രാ​മ​ർ​ശി​ക്കു​ന്ന​ത്. ഇ​നി ആ​രെ​ങ്കി​ലും ആ ​പേ​ര് പ​റ​ഞ്ഞു​കേ​ട്ടാ​ൽ അ​വ​ർ ഉ​ട​ൻ​ത​ന്നെ മ​ര​ത്ത​ടി​യി​ൽ തൊ​ടും. ആ ​പേ​ര് കൊ​ണ്ടു​വ​രാ​വു​ന്ന ദൗ​ർ​ഭാ​ഗ്യ​ങ്ങ​ളെ അ​ക​റ്റാ​നാ​ണത്രേ ഇ​ങ്ങ​നെ ചെ​യ്യു​ന്ന​ത്.

കൊ​ളൊ​ബോ​റോ​യിലൂടെ ആ​രെ​ങ്കി​ലും അ​മി​ത വേ​ഗ​ത്തി​ൽ വാ​ഹ​നം ഓ​ടി​ച്ചു​കൊ​ണ്ടു​പോ​യാ​ൽ പൊ​ലീ​സ് ത​ട​യില്ല. കാ​ര​ണം ത​ട​ഞ്ഞു​നി​റു​ത്തി പി​ഴ​യി​ട്ടാ​ൽ അവ​ർ ശ​പി​ച്ചാ​ലോ എ​ന്ന് പേ​ടി​ച്ചി​ട്ടാ​ണി​ത്. ഈ ​ഗ്രാ​മ​ത്തി​ന്റെ ശാ​പ ക​ഥ​യ്ക്ക് ഒരുപാട് പ​ഴ​ക്ക​മു​ണ്ട്. കൊ​ളൊ​ബോ​റോ എ​ന്ന പേ​ര് കോ​ൾ​ബെ​ർ എ​ന്ന ലാ​റ്റി​ൻ വാ​ക്കി​ൽ​നി​ന്നാ​ണ് ഉ​ണ്ടാ​യ​ത്. സ​ർ​പ്പം എ​ന്നാ​ണ് ഈ ​വാ​ക്കിന്റെ അ​ർ​ഥം. ഇ​റ്റാ​ലി​യ​ൻ സം​സ്കാ​ര​മ​നു​സ​രി​ച്ച് സ​ർ​പ്പം ഒ​രു അ​പ​സൂ​ച​ക​മാ​ണ്.

20-ാം നൂ​റ്റാ​ണ്ടിന്റെ തു​ട​ക്ക​ത്തി​ൽ ബി​യാ​ജി​യോ വി​ർ​ജി​ലി​യോ എ​ന്നൊ​രു അ​ഭി​ഭാ​ഷ​ക​ൻ ഈ ​ഗ്രാ​മ​ത്തി​ൽ ജീ​വി​ച്ചി​രു​ന്നു. ഇ​ദ്ദേ​ഹം എ​തു കേ​സ് വാ​ദി​ച്ചാ​ലും വി​ജ​യി​ക്കു​മാ​യി​രു​ന്ന​ത്രേ. ഒ​രു ദി​വ​സം കോ​ട​തി​യി​ൽ വാ​ദം കേ​ൾ​ക്കു​ന്ന​തി​നി​ട​യി​ൽ അ​ഭി​ഭാ​ഷ​ക​ൻ ക​ള്ളം പ​റ​യു​ക​യാ​ണെ​ന്ന് ജ​ഡ്ജി പ​റ​ഞ്ഞു. താ​ൻ ക​ള്ളം പ​റ​യു​ക​യാ​ണെ​ങ്കി​ൽ കോ​ട​തി മു​റി​യു​ടെ മു​ക​ളി​ൽ തൂ​ക്കി​യി​ട്ടി​രി​ക്കു​ന്ന വി​ള​ക്ക് പൊ​ട്ടി താ​ഴെ വീ​ഴ​ട്ടെ​യെ​ന്ന് ബി​യാ​ജി​യോ​യും പ​റ​ഞ്ഞു. ഉ​ട​ൻ​ത​ന്നെ ആ ​വി​ള​ക്ക് പൊ​ട്ടി ബി​യാ​ജി​യോ​യു​ടെ ത​ല​യി​ൽ വീ​ഴു​ക​യും അ​ദ്ദേ​ഹം മ​രി​ക്കു​ക​യും ചെ​യ്തു. അ​തി​നു​ശേ​ഷം ഈ ​ഗ്രാ​മ​ത്തി​ലു​ള്ള ആ​രെ​ങ്കി​ലും മ​റ്റു​ള്ള​വ​രെ ശ​പി​ച്ചാ​ൽ അ​തു​പോ​ലെ ന​ട​ക്കു​മെ​ന്നാ​ണ് വി​ശ്വാ​സം.

കൊ​ളൊ​ബോ​റോ എ​ന്ന ന​ദി​യു​ടെ ക​ര​യി​ലാ​ണ് ഈ ​ഗ്രാ​മം സ്ഥി​തി ചെ​യ്യു​ന്ന​ത്. മ​ൺ​ക​ട്ട​ക​ൾ​കൊ​ണ്ട് നി​ർമ്മി​ച്ച ഭ​വ​ന​ങ്ങ​ളും കോ​ട്ട​ക​ളു​മൊ​ക്കെ ഇ​വി​ട​ത്തെ സവിശേഷത​ക​ളാ​ണ്. ന​ദി​യു​ടെ നി​ര​പ്പി​ൽ​നി​ന്ന് മു​ക​ളി​ലേ​ക്ക് ക​യ​റു​മ്പോ​ൾ നൂ​റ്റാ​ണ്ടു​ക​ൾ പ​ഴ​ക്ക​മു​ള്ള കോ​ട്ട​ക​ൾ കാ​ണാം. ഇ​ട​യ്ക്കി​ടെ ഉ​ണ്ടാ​കു​ന്ന മ​ണ്ണി​ടി​ച്ചി​ൽ കാ​ര​ണം ഇ​വ പ​ല​തും ന​ശി​ച്ചി​രി​ക്കു​ന്നു. യാ​തൊ​രു കാ​ര​ണ​വു​മി​ല്ലാ​തെ ഇ​ട​യ്ക്കി​ടെ ഉ​ണ്ടാ​കു​ന്ന മ​ണ്ണി​ടി​ച്ചി​ലു​ക​ളും ഗ്രാ​മ​ത്തി​ന്റെ ശാ​പ​ക​ഥ​യു​ടെ തു​ട​ർ​ച്ച​യാ​ണെ​ന്നാ​ണ് ​നാ​ട്ടു​കാ​ർ വി​ശ്വ​സി​ക്കു​ന്ന​ത്.

19-ാം നൂ​റ്റാ​ണ്ടി​ന്‍റെ തു​ട​ക്ക​ത്തി​ൽ 13,000 ആ​ളു​ക​ൾ താ​മ​സി​ച്ചി​രു​ന്ന ഒ​രു ഗ്രാ​മ​മാ​യി​രു​ന്നു കൊ​ളൊ​ബോ​റോ. അ​ഞ്ചു പ​ള്ളി​ക​ളും ആ​റു ക​ന്യാ​സ്ത്രീ മ​ഠ​ങ്ങ​ളു​മൊ​ക്കെ ഉ​ണ്ടാ​യി​രു​ന്ന ഇ​വി​ടെ ഇ​പ്പോ​ൾ വെ​റും 1500 ൽ ​താ​ഴെ​മാ​ത്രം ആ​ളു​ക​ളാ​ണ് താ​മ​സി​ക്കു​ന്ന​ത്. ഈ ​ഗ്രാ​മ​ത്തിൽ മൂ​ന്നു ഹൃ​ദ​യ​ങ്ങ​ളു​മാ​യി കു​ട്ടി​ക​ൾ ജ​നി​ക്കാ​റു​ണ്ട​ത്രേ. മ​റ്റു ഗ്രാ​മ​ങ്ങ​ളി​ൽ​നി​ന്ന് ഇ​വി​ടെ എ​ത്തു​ന്ന​വ​ർ​ക്ക് പ​ല​ത​ര​ത്തി​ലു​ള്ള അ​പ​ക​ട​ങ്ങ​ളും സം​ഭ​വി​ക്കാ​റു​ണ്ട്. എ​ന്നാ​ൽ, ഇ​ത്ത​രം അ​പ​ക​ട​ങ്ങ​ൾ നി​ർ​ഭാ​ഗ്യ​ങ്ങ​ളി​ൽ വി​ശ്വ​സി​ക്കു​ന്ന​വ​ർ​ക്ക് മാ​ത്ര​മെ സം​ഭ​വി​ക്കാ​റു​ള്ളു എ​ന്നാ​ണ് ഗ്രാ​മ​വാ​സി​ക​ൾ പ​റ​യു​ന്ന​ത്. ഇ​വി​ട​ത്തെ ചെ​റി​യ സം​ഭ​വ​ങ്ങ​ൾ​പോ​ലും പു​റ​ത്തു​നി​ന്നു​ള്ള​വ​ർ പൊ​ലി​പ്പി​ച്ചു കാ​ട്ടു​ന്ന​താ​യും ഗ്രാ​മ​വാ​സി​ക​ൾ പ​റ​യു​ന്നു.

ത​ങ്ങ​ളു​ടെ ഗ്രാ​മ​ത്തി​നു​ണ്ടാ​യ ഈ ​ചീ​ത്ത​പ്പേ​ര് ഈ ​ഗ്രാ​മ​വാ​സി​ക​ൾ ആ​ഘോ​ഷ​മാ​ക്കാ​റു​ണ്ട്. എ​ല്ലാ​വ​ർ​ഷ​വും ഓ​ഗ​സ്റ്റ് മാ​സ​ത്തി​ൽ ഇ​വി​ടെ ഒ​രു കാ​ർ​ണി​വ​ൽ ന​ട​ക്കും. കാ​ർ​ണി​വ​ലി​ൽ എ​ത്തു​ന്ന​വ​രെ​ല്ലാം മ​ന്ത്ര​വാ​ദി​ക​ളു​ടെ​യും പ്രേ​ത​ങ്ങ​ളു​ടെ​യു​മൊ​ക്കെ വ​സ്ത്രം ധ​രി​ച്ചാ​ണ് എ​ത്തു​ക. ​രാ​ത്രി​മു​ഴു​വ​ൻ നീ​ണ്ടു​നി​ൽ​ക്കു​ന്ന ആ​ഘോ​ഷ​ങ്ങ​ളി​ൽ അ​യ​ൽ​ഗ്രാ​മ​ങ്ങ​ളി​ൽ ​നി​ന്നൊ​ക്കെ ആ​ളു​ക​ൾ എ​ത്താ​റു​ണ്ട്.