കൊല്ലം: നിശ്ചിത സമയ പരിധിക്കുള്ളിൽ കൊവിഡ് പരിശോധനാ ഫലം നൽകാതെ ഗൾഫ് യാത്ര മുടക്കുന്ന നഗരത്തിലെ സ്വകാര്യ കൊവിഡ് പരിശോധനാ കേന്ദ്രത്തിനെതിരെ വ്യാപക പരാതി. വിവിധ ഗൾഫ് രാജ്യങ്ങളിലേക്ക് മടങ്ങുന്ന പ്രവാസികൾക്ക് യാത്രാ അനുമതി കിട്ടാൻ നിശ്ചിത സമയ പരിധിക്കുള്ളിൽ നടത്തിയ കൊവിഡ് പരിശോധനയുടെ നെഗറ്റീവ് സർട്ടിഫിക്കറ്റ് അനിവാര്യമാണ്.

ആന്റിജൻ, ട്രൂനാറ്റ് പരിശോധനകളുടെ ഫലം വിദേശ യാത്രകളിൽ അംഗീകരിക്കാത്തതിനാൽ ആർ.ടി.പി.സി.ആർ ടെസ്റ്റാണ് നടത്തേണ്ടത്. ജില്ലയിലെ പാരിപ്പള്ളി മെഡിക്കൽ കോളേജ്, കൊല്ലം ജില്ലാ ആശുപത്രി ഉൾപ്പെടെ വിവിധ സർക്കാർ ആശുപത്രികളിൽ സൗജന്യമായി ആർ.ടി.പി.സി.ആർ ടെസ്റ്റിന് സൗകര്യമുണ്ടെങ്കിലും രോഗിയുമായി പ്രാഥമിക സമ്പർക്കത്തിൽ വന്നവർക്ക് മാത്രമേ അവിടെ പരിശോധന നടത്തുകയുള്ളൂ.

അതിനാൽ വലിയ തുക മുടക്കി കൊവിഡ് പരിശോധനയ്ക്ക് സ്വകാര്യ ലാബുകളെ ആശ്രയിക്കാൻ നിർബന്ധിതരാവുകയാണ് പ്രവാസികൾ. ഇങ്ങനെ കൊവിഡ് ആർ.ടി.പി.സി.ആർ‌ പരിശോധനയ്ക്കായി ജില്ലാ ആശുപത്രിക്ക് സമീപത്തുള്ള സ്വകാര്യ പരിശോധനാ കേന്ദ്രത്തെ ആശ്രയിച്ചവരാണ് ബുദ്ധിമുട്ടിലായത്. ഫോൺ വഴി മുൻകൂട്ടി ബുക്ക് ചെയ്യുമ്പോൾ ലഭിക്കുന്ന സമയത്താണ് പരിശോധനയ്‌ക്കായി എത്തുന്നത്. എന്നാൽ അനുവദിച്ച സമയത്ത് പരിശോധന നടത്താറില്ല. സമയക്രമം പാലിക്കാത്തതിനാൽ തിക്കും തിരക്കും പതിവാണ്. ഇത് രോഗ വ്യാപന സാദ്ധ്യതയ്ക്കും ഇടയാക്കുന്നു. സമയത്ത് പരിശോധനാ ഫലം ലഭിക്കാത്തതിനാൽ ഗൾഫ് യാത്ര പ്രതിസന്ധിയിലാകുമെന്ന വിഷമത്തിലായവർ ധാരാളമാണ്. സ്ഥാപനത്തിനെതിരെ ആരോഗ്യ മന്ത്രിക്കും ആരോഗ്യ വകുപ്പ് സെക്രട്ടറിക്കും പരാതി നൽകാൻ ഒരുങ്ങുകയാണിവർ.

 സർക്കാർ ആശുപത്രികളിൽ സൗകര്യം ഒരുക്കണം

സ്വകാര്യ ലാബുകളിൽ 2,750 രൂപയാണ് ആർ.ടി.പി.സി.ആർ പരിശോധനയ്ക്ക് ഈടാക്കുന്നത്. ഗൾഫിലേക്ക് മടങ്ങുന്നവർ, സ്വകാര്യ ആശുപത്രികളിൽ ശസ്ത്രക്രിയ, പ്രസവം എന്നിവയ്ക്ക് പ്രവേശിക്കുന്നവർ തുടങ്ങിയവർക്ക് പരിശോധന നടത്തി റിപ്പോർട്ട് നൽകാൻ സർക്കാർ ആശുപത്രികൾ തയ്യാറാകുന്നില്ല. വിവിധ ആവശ്യങ്ങൾക്ക് കൊവിഡ് പരിശോധനാ ഫലം വേണ്ടവർക്ക് പണം ഈടാക്കി വേഗത്തിൽ പരിശോധന നടത്തി ഫലം നൽകാൻ സർക്കാർ ആശുപത്രികളിൽ സൗകര്യം അനിവാര്യമാണ്.

''
കൊ​വി​ഡ് ​നി​ർ​ണ​യ​ത്തി​ൽ​ ​ആ​ർ.​ടി.​പി.​സി.​ആ​ർ​ ​ടെ​സ്റ്റ് ​മാ​ത്ര​മാ​ണ് ​ഏ​റ്റ​വും​ ​വി​ശ്വ​സ​നീ​യം.​ ​പ​ല​ ​രാ​ജ്യ​ങ്ങ​ലും​ ​ഈ​ ​ടെ​സ്റ്റ് ​മാ​ത്ര​മേ​ ​അം​ഗീ​ക​രി​ക്കു​ന്നു​ള്ളൂ.​ ​കൊ​ല്ല​ത്ത് ​പ്ര​ത്യേ​കി​ച്ചും​ ​കേ​ര​ള​ത്തി​ൽ​ ​പൊ​തു​വേ​യും​ ​അ​തി​നു​ള്ള​ ​സൗ​ക​ര്യ​ങ്ങ​ൾ​ ​കു​റ​വാ​ണ്.​ ​അ​തു​കൊ​ണ്ട് ​ത​ന്നെ​ ​പ​ല​രു​ടെ​യും​ ​വി​ദേ​ശ​യാ​ത്ര​ ​മു​ട​ങ്ങു​ന്ന​ത​ട​ക്ക​മു​ള്ള​ ​ദൗ​ർ​ഭാ​ഗ്യ​ ​സം​ഭ​വ​ങ്ങ​ൾ​ ​ഉ​ണ്ടാ​കു​ന്നു.​ ​കു​ടു​ത​ൽ​ ​സൗ​ക​ര്യം​ ​ഒ​രു​ക്കി​ ​ഇ​ത്ത​രം​ ​പ്ര​ശ്ന​ങ്ങ​ൾ​ ​പ​രി​ഹ​രി​ക്കാ​ൻ​ ​സ​ർ​ക്കാ​ർ​ ​ത​യ്യാ​റാ​ക​ണം.

എ​ൻ.​കെ.​ ​പ്രേ​മ​ച​ന്ദ്ര​ൻ​ ​എം.​പി

''

വിദേശത്ത് ജോലിക്കും പഠനത്തിനും പോകാനായി നിരവധി പേരാണ് കൊവിഡ് നെഗറ്റീവ് സർട്ടിഫിക്കറ്റുകൾക്കായി പരക്കം പായുന്നത്. ആർ.ടി.പി.സി.ആർ ടെസ്റ്റിനുള്ള ലാബ് സജ്ജമാക്കാൻ വലിയ സാമ്പത്തിക ചെലവുണ്ട്. എത്രകാലം ടെസ്റ്റിന് സാദ്ധ്യതയുണ്ടെന്ന സംശയം നിലനിൽക്കുന്നതിനാൽ സ്വകാര്യ സംരംഭകർ വ്യാപകമായി ഇതിന് തയ്യാറാകില്ല. സർക്കാർ ആശുപത്രികളിൽ ആർ.ടി.പി.സി.ആർ ടെസ്റ്റിനുള്ള സൗകര്യം ഒരുക്കണം. ലാബ് സജ്ജമാക്കാൻ തയ്യാറായുള്ള കൂടുതൽ സ്വകാര്യ സംരംഭകർക്കും അനുമതി നൽകണം.

ഡോ. ഡി. ശ്രീകുമാർ

ഐ.എം.എ ജില്ലാ കമ്മിറ്റി ചെയർമാൻ


''
കൊ​വി​ഡ് ​നെ​ഗ​റ്റീ​വ് ​സ​ർ​ട്ടി​ഫി​ക്ക​റ്റ് ​കൃ​ത്യ​സ​മ​യ​ത്ത് ​ല​ഭി​ക്കാ​തെ​ ​പ​ല​രു​ടെ​യും​ ​ജോ​ലി​ ​ന​ഷ്ട​മാ​കു​ന്നു.​ ​പ​രി​ശോ​ധ​ന​ക​ൾ​ക്ക് ​സൗ​ക​ര്യ​മൊ​രു​ക്കാ​ത്ത​ ​സ​ർ​ക്കാ​ർ​ ​ആ​യി​ര​ങ്ങ​ളു​ടെ​ ​ഭാ​വി​ ​ത​ക​ർ​ക്കു​ക​യാ​ണ്.​ ​ആ​ർ.​ടി.​പി.​സി.​ആ​ർ​ ​ടെ​സ്റ്റി​നു​ള്ള​ ​സൗ​ക​ര്യ​ങ്ങ​ൾ​ ​കൂ​ടു​ത​ൽ​ ​സ​ർ​ക്കാ​ർ​ ​ആ​ശു​പ​ത്രി​ക​ളി​ൽ​ ​ഒ​രു​ക്ക​ണം.​ ​ചൂ​ഷ​ണം​ ​അ​വ​സാ​നി​പ്പി​ക്കാ​ൻ​ ​കൂ​ടു​ത​ൽ​ ​സ്വ​കാ​ര്യ​ ​ലാ​ബു​ക​ൾ​ക്ക് ​ആ​ർ.​ടി.​പി.​സി.​ആ​ർ​ ​ടെ​സ്റ്റി​നു​ള്ള​ ​അ​നു​മ​തി​ ​ന​ൽ​ക​ണം.

ആ​ർ.​ ​അ​രു​ൺ​രാ​ജ്, യൂ​ത്ത് ​ കോ​ൺ​ഗ്ര​സ് ​ ജി​ല്ലാ ​ ​പ്ര​സി​ഡ​ന്റ്