 ഒ​രു മാ​സ​ത്തി​നി​ടെ ജി​ല്ലാ ആ​ശു​പ​ത്രി​യിൽ ചി​കി​ത്സ തേ​ടി​യ​ത് 300 ഓ​ളം പേർ

കൊ​ല്ലം: ന​ഗ​ര​ത്തി​ലും പ​രി​സ​ര​പ്ര​ദേ​ശ​ങ്ങ​ളി​ലും ഭീ​തി​പ​ര​ത്തു​ന്ന തെ​രു​വു​നാ​യ ശ​ല്യ​ത്തി​ന് അ​റു​തി​യാ​കു​ന്നി​ല്ല. ന​ഗ​ര​ത്തി​ന്റെ വി​വി​ധ ഭാ​ഗ​ങ്ങ​ളിൽ നി​ന്നാ​യി പ്ര​തി​മാ​സം 250 - 300 ആ​ളു​ക​ളാ​ണ് നാ​യ്​ക്ക​ളു​ടെ ക​ടി​യേ​റ്റ് ജി​ല്ലാ ആ​ശു​പ​ത്രി​യിൽ ചി​കി​ത്സ തേ​ടുന്നത്. അ​പൂർ​വം ചി​ല വ​ളർ​ത്തു​നാ​യ്​ക്ക​ളു​ടെ ആ​ക്ര​മ​ണ​മൊ​ഴി​ച്ചാൽ തെ​രു​വു​നാ​യ്​ക്ക​ളു​ടെ ക​ടി​യേ​റ്റ​വ​രാ​ണ് ഇ​വ​രിൽ അ​ധി​ക​വും.

ലോ​ക്ക്​ഡൗ​ണി​നെ തു​ടർ​ന്ന് ഹോ​ട്ട​ലു​കൾ, കോ​ഴി​ക്ക​ട​കൾ, കാ​റ്റ​റിം​ഗ് കേ​ന്ദ്ര​ങ്ങൾ എ​ന്നി​വി​ട​ങ്ങ​ളിൽ നി​ന്ന് റോ​ഡു​ക​ളിൽ ഉ​പേ​ക്ഷി​ക്കു​ന്ന മാ​ലി​ന്യ​ത്തി​ന്റെ അ​ള​വ് കു​റ​ഞ്ഞ​തോ​ടെ നി​ര​ത്തു​ക​ളി​ലെ നാ​യ​ശ​ല്യം മു​മ്പ​ത്തേ​ക്കാൾ കു​റ​ഞ്ഞി​ട്ടു​ണ്ട്. അതേസമയം ഹോ​ട്ടൽ, ഓ​ഡി​റ്റോ​റി​യം പ​രി​സ​ര​ങ്ങ​ളിൽ ഭ​ക്ഷ​ണാ​വ​ശി​ഷ്ട​ങ്ങൾ കി​ട്ടാ​താ​യ​തോ​ടെ പ​ട്ടി​ണി​യി​ലാ​യ തെ​രു​വു​നാ​യ്​ക്കൾ മ​തിൽ​ക്കെ​ട്ടു​ക​ളോ​ട് കൂ​ടി​യ വീ​ടു​ക​ളു​ള്ള ഭാ​ഗ​ങ്ങ​ളിൽ നി​ന്ന് ഉൾ​പ്ര​ദേ​ശ​ങ്ങ​ളി​ലേ​ക്ക് ക​ട​ന്നി​രി​ക്കു​ക​യാ​ണ്. ന​ഗ​ര​ത്തിൽ വ്യാ​പ​ക​മാ​കു​ന്ന അ​ന​ധി​കൃ​ത ക​ശാ​പ്പു​ശാ​ല​ക​ളും ഇപ്പോൾ ഇ​വ​യു​ടെ താ​വ​ള​മാ​ണ്.

 കൂട്ടത്തോടെ സഞ്ചാരം, ഭീതിയോടെ ജനം
പ്ര​ജ​ന​ന ​കാ​ല​മാ​യ​തോ​ടെ നാ​ടെ​ങ്ങും നാ​യ്​ക്കൾ കൂ​ട്ട​ത്തോ​ടെ​യാ​ണ് സ​ഞ്ചാ​രം. പ്ര​ഭാ​ത​ സ​വാ​രി​ക്കാ​ർ ഉൾ​പ്പെ​ടെ​യു​ള്ള​വർ ഇ​വ​യെ പേ​ടി​ച്ചാ​ണ് ഇപ്പോൾ ന​​ട​ക്കാ​നി​റ​ങ്ങു​ന്ന​ത്. ലോ​ക്ക്ഡൗ​ണും കൊ​വി​ഡ് നി​യ​ന്ത്ര​ണ​ങ്ങ​ളും വ​ന്ന​തോ​ടെ ജ​ന​സാ​ന്നി​ദ്ധ്യം കു​റ​ഞ്ഞ പ്ര​ദേ​ശ​ങ്ങ​ളും നായ്ക്കൾ കൈ​യ്യ​ട​ക്കി.

 പ്രധാന താവളങ്ങൾ

ന​ഗ​ര​ഹൃ​ദ​യ​മാ​യ ചി​ന്ന​ക്ക​ട ജം​ഗ്​ഷ​നും പ്ര​ധാ​ന റോ​ഡു​ക​ളും റെ​യിൽ​വേ സ്റ്റേ​ഷൻ പ​രി​സ​ര​വും നാ​യ്​ക്ക​ളു​ടെ താ​വ​ള​ങ്ങ​ളാ​ണ്. ചി​ന്ന​ക്ക​ട റൗ​ണ്ടിൽ പ​ട്ടാ​പ്പ​കലും ഇവ സ്വൈരവി​ഹാ​രത്തിലാണ്. ശ​ക്തി​കു​ള​ങ്ങ​ര,​ രാ​മൻ​കു​ള​ങ്ങ​ര,​ ആ​ന​ന്ദ​വ​ല്ലീ​ശ്വ​രം,​ തേ​വ​ള്ളി,​ ഓ​ല​യിൽ,​പോ​ള​യ​ത്തോ​ട്,​ മു​ണ്ട​യ്​ക്കൽ,​ ആ​ശ്രാ​മം,​ ക​ട​പ്പാ​ക്ക​ട,​ ക​രി​ക്കോ​ട്,​ ക​ല്ലും​താ​ഴം,​ അ​യ​ത്തിൽ,​ ത​ട്ടാ​മ​ല,​ മേ​വ​റം ഭാ​ഗ​ങ്ങ​ളി​ലും സ്ഥിതി സമാനമാണ്.

 കോഴികളെ കൊന്നു

ക​ല്ലുംതാ​ഴം രാ​യ​രുമു​ക്ക് ഭാ​ര​ത് ന​ഗ​റിൽ ശ​ബ​രീ​ ഗോ​ഡൗ​ണി​ന് സ​മീ​പ​ത്തെ ഒ​രു വീ​ട്ടിൽ ക​ഴി​ഞ്ഞ ര​ണ്ട് ദി​വ​സ​ത്തി​നി​ടെ നാ​ല് കോ​ഴി​ക​ളെ​യാ​ണ് തെ​രു​വുനാ​യക്കൂ​ട്ടം കൊ​ന്നൊ​ടു​ക്കി​യ​ത്. പ്ര​ദേ​ശ​ത്ത് നി​ര​വ​ധി പേർ​ക്ക് നാ​യ്​ക്ക​ളു​ടെ ക​ടി​യേൽ​ക്കു​ക​യും ചെയ്തു. വിവരം കൗൺ​സി​ല​റെ അ​റി​യി​ച്ചെ​ങ്കി​ലും ന​ട​പ​ടി​യുണ്ടായില്ലെന്ന് നാ​ട്ടു​കാർ ആ​രോപിക്കുന്നു.

 തെരുവുനായ ശല്യം പരിഹരിക്കാൻ ജി​ല്ലാ പ​ഞ്ചാ​യ​ത്തി​ന്റെ സ​ഹ​ക​ര​ണ​ത്തോ​ടെ​യു​ള്ള ജ​ന​ന നി​യ​ന്ത്ര​ണ പ​ദ്ധ​തി​യാ​ണ് ന​ഗ​ര​സ​ഭ ന​ട​പ്പാ​ക്കി​യി​രു​ന്ന​ത്. എന്നാൽ നാ​യ്​ക്ക​ളെ വ​ന്ധ്യംക​രി​ക്കാ​നും പാർ​പ്പി​ക്കാ​നും സ്ഥ​ല​സൗ​ക​ര്യ​മി​ല്ലാ​ത്ത​താ​ണ് ഇ​പ്പോ​ഴ​ത്തെ പ്ര​ധാ​ന പ്ര​ശ്നം. പ​രി​ച​യ​ സ​മ്പ​ന്ന​രാ​യ നായപി​ടി​ത്ത​ക്കാ​രെ ആ​വ​ശ്യ​മു​ള്ള​താ​യി കാ​ണി​ച്ച് പ​ര​സ്യം നൽ​കി​യി​ട്ടു​ണ്ട്. യോ​ഗ്യ​രാ​യ ആ​ളു​ക​ളെ ക​ണ്ടെ​ത്തി​യാ​ലു​ടൻ ഉ​ചി​ത​മാ​യ സ്ഥ​ലം ക​ണ്ടെ​ത്തി വ​ന്ധ്യം​ക​രണത്തിനുള്ള ന​ട​പ​ടി കൈ​ക്കൊ​ള്ളും.

പി.കെ. രാ​ജേ​ന്ദ്രൻ,​ ആരോഗ്യ സ്റ്റാൻഡിം​ഗ് ക​മ്മി​റ്റി ചെ​യർ​മാൻ, കൊ​ല്ലം ന​ഗ​ര​സ​ഭ