ചാത്തന്നൂർ: സുഭിക്ഷ കേരളം പദ്ധതിയുടെ ഭാഗമായി ചാത്തന്നൂർ ഗ്രാമ പഞ്ചായത്തിലെ കുറുങ്ങൽ ഏലാ കൃഷിക്ക് അനുയോജ്യമാക്കി മാറ്റുന്നു. ഇരുപത്തിയേഴ് വർഷമായി തരിശുകിടന്ന കുറുങ്ങൽ പാടശേഖരം കൃഷിയോഗ്യമാക്കുന്നതിനായി 14 ലക്ഷം രൂപ പഞ്ചായത്ത് തനത് ഫണ്ടിൽ നിന്ന് അനുവദിച്ചു. പദ്ധതിയുടെ ഉദ്ഘാടനം ജി.എസ്. ജയലാൽ എം.എൽ.എ നിർവഹിച്ചു. ഗ്രാമ പഞ്ചായത്ത് പ്രസിഡന്റ് നിർമ്മലാ വർഗീസ് അദ്ധ്യക്ഷത വഹിച്ചു. വൈസ് പ്രസിഡന്റ് എ. ഷറഫുദ്ദീൻ, ഗ്രാമ പഞ്ചായത്ത് അംഗം ഉഷാദേവി, പഞ്ചായത്ത് സെക്രട്ടറി വിനോദ് കുമാർ, അസിസ്റ്റന്റ് സെക്രട്ടറി സജി തോമസ് തുടങ്ങിയവർ പങ്കെടുത്തു.