 ഇന്നലെ 935 പേർക്ക് രോഗം

കൊല്ലം: കഴിഞ്ഞ ദിവസങ്ങളിൽ കൊവിഡ് ബാധ നിരക്ക് അല്പം താഴ്ന്ന് ആശ്വാസം നൽകിയെങ്കിലും ഇന്നലെ വീണ്ടും കുതിച്ചുയർന്നു. 935 പേർക്കാണ് ഇന്നലെ ജില്ലയിൽ കൊവിഡ് സ്ഥിരീകരിച്ചത്.

ഒരാൾ വിദേശത്ത് നിന്നും രണ്ടുപേർ ഇതര സംസ്ഥാനങ്ങളിൽ നിന്നും വന്നവരാണ്. അഞ്ച് ആരോഗ്യ പ്രവർത്തകർ ഉൾപ്പടെ 928 പേർക്ക് സമ്പർക്കത്തിലൂടെയാണ് രോഗം ബാധിച്ചത്. നാലുപേർക്ക് രോഗം ബാധിച്ച ഉറവിടം വ്യക്തമല്ല. കൊല്ലം സ്വദേശി സുകുമാരൻ നായരുടെ മരണം കൊവിഡ് മൂലമാണെന്ന് സ്ഥിരീകരിച്ചു. ഇന്നലെ 459 പേർ രോഗമുക്തരായി. ഇതോടെ ജില്ലയിൽ കൊവിഡ് ബാധിച്ച് ചികിത്സയിലുള്ളവരുടെ എണ്ണം 6,518 ആയി.