കൊട്ടാരക്കര: ബൈക്കിൽ സഞ്ചരിച്ച യുവാക്കളെ തടഞ്ഞ് നിറുത്തി കത്തികൊണ്ട് കുത്തി പരിക്കേൽപ്പിച്ച കേസിലെ പ്രതി കരിങ്ങന്നൂർ മോട്ടോർകുന്നിൽ അനു ഭവനിൽ അനുദേവിനെ(28) പൂയപ്പള്ളി സി.ഐ. വിനോദ് ചന്ദ്രന്റെ നേതൃത്വത്തിലുള്ള പൊലീസ് അറസ്റ്റ് ചെയ്തു. പ്രതിയുടെ ബന്ധുവായ കരിങ്ങന്നൂർ ​ഗോകുൽ ഭവനിൽ വിഷ്ണു(29) സുഹൃത്തായ ആദർശ് ഭവനിൽ അഭിലാഷ് (28)എന്നിവരെയാണ് കുത്തി പരിക്കേൽപിച്ചത്. കഴിഞ്ഞ ദിവസം രാത്രി 7.30ഓടെയാണ് സംഭവം. ബന്ധുവായ വിഷ്ണുവിനോടുള്ള മുൻ വൈരാ​ഗ്യമാണ് അക്രമത്തിന് കാരണമെന്ന് പൊലീസ് പറഞ്ഞു.