കൊല്ലം: ജില്ലയിൽ ഇന്നലെ 482 പേർക്ക് കൂടി കൊവിഡ് സ്ഥിരീകരിച്ചു. രണ്ട് ആരോഗ്യ പ്രവർത്തകർ ഉൾപ്പെടെ 476 പേർക്ക് സമ്പർക്കത്തിലൂടെയാണ് രോഗം ബാധിച്ചത്. ആറുപേർക്ക് കൊവിഡ് ബാധിച്ച ഉറവിടം വ്യക്തമല്ല.

കൊല്ലം മുണ്ടയ്ക്കൽ സ്വദേശി സനാതനൻ (82), പുനലൂർ സ്വദേശി ഹംസക്കുട്ടി (81) എന്നിവരുടെ മരണം കൊവിഡ് മൂലമാണെന്ന് സ്ഥിരീകരിച്ചു. ഇന്നലെ 636 പേർ രോഗമുക്തരായി. ഇതോടെ കൊവിഡ് ബാധിച്ച് ജില്ലയിൽ ചികിത്സയിൽ ഉള്ളവരുടെ എണ്ണം 6,373 ആയി.