തൃശൂർ: പറഞ്ഞുറപ്പിച്ച പൊതിച്ചോറുകൾ മുളങ്കുന്നത്തുകാവ് ഗവ. മെഡിക്കൽ കോളേജിൽ ഡി.വൈ.എഫ്.ഐ പ്രവർത്തകർ വിതരണം ചെയ്യുമ്പോൾ ജീവനറ്റ് മോർച്ചറിയിൽ കിടപ്പുണ്ടായിരുന്നു, സനൂപ്. ചൊവ്വന്നൂർ മേഖലാ ജോയിന്റ് സെക്രട്ടറിയായിരുന്ന പി.യു സനൂപിൻ്റെ നേതൃത്വത്തിൽ സമാഹരിച്ച ആ പൊതിച്ചോറുകൾ, മുടങ്ങാതെ നിർദ്ധനർക്ക് കൈമാറാനായിരുന്നു ഡി.വൈ.എഫ്‌.ഐയുടെ തീരുമാനം.

പ്രിയപ്പെട്ട കൂട്ടുകാരനെക്കുറിച്ചുളള ഓർമ്മകൾ അലയടിക്കുമ്പോഴും മനസിലെ വേദന മറന്ന് ചൊവ്വന്നൂർ മേഖലാ കമ്മിറ്റി പ്രവർത്തകർ ആ ദൗത്യം നെഞ്ചേറ്റി. ഡി.വൈ.എഫ്‌.ഐ ഹൃദയപൂർവ്വം പദ്ധതിയുടെ ഭാഗമായി ശേഖരിക്കുന്ന ഭക്ഷണപ്പൊതികൾ മൂന്ന് വർഷമായി പ്രവർത്തകർ മെഡിക്കൽ കോളേജിൽ വിതരണം ചെയ്തു വരുന്നുണ്ട്. ഓരോ മേഖലാ കമ്മിറ്റികൾക്കാണ് ഓരോ ദിവസവും ഭക്ഷണം ശേഖരിക്കുന്നതിനും വിതരണം ചെയ്യുന്നതിനുമുള്ള ചുമതല. നാലായിരത്തോളം പൊതികൾ വിതരണം ചെയ്യാറുണ്ടെന്നും ഹർത്താൽ ദിനത്തിലും പ്രളയസമയങ്ങളിലും കൊവിഡ് കാലത്തും ഭക്ഷണവിതരണം മുടക്കിയിട്ടില്ലെന്നും സംസ്ഥാന വൈസ് പ്രസിഡൻ്റ് ഗ്രീഷ്മ അജയഘോഷ് പറഞ്ഞു.

ഞായറാഴ്ച രാത്രി കുത്തേറ്റ് മരിച്ച സനൂപ്, കഴിഞ്ഞ ദിവസങ്ങളിൽ വീടുകൾ കയറി പൊതിച്ചോറുകൾ ഉറപ്പിക്കുന്ന അവസാനവട്ട ശ്രമങ്ങളിലായിരുന്നുവെന്ന് പ്രവർത്തകർ പറഞ്ഞു. താൻ ഒരിക്കൽ പോലും കണ്ടിട്ടില്ലാത്ത, ഏതൊക്കെയോ അപരിചിതരായ സഹോദരങ്ങളുടെ വിശപ്പ് മാറ്റാൻ, അവർക്ക് വേണ്ടി ഭക്ഷണം ശേഖരിക്കാൻ ഓടി നടക്കുകയായിരുന്നു സനൂപെന്ന് സംസ്ഥാന സെക്രട്ടറി എ.എ റഹീം സാമൂഹിക മാദ്ധ്യമങ്ങളിൽ കുറിച്ചിരുന്നു. '' ഹൃദയപൂർവ്വം പൊതിച്ചോർ വിതരണം മുടങ്ങില്ലെന്നും നിശ്ചയിച്ചത് പോലെ തന്നെ നടക്കുമെന്നും ജില്ലാ കമ്മിറ്റി അറിയിച്ചിരുന്നു. സനൂപും സഖാക്കളും പറഞ്ഞുറപ്പിച്ച പൊതിച്ചോറുകൾ, ജീവനോടെ ബാക്കിയുള്ളവർ ശേഖരിക്കും, വിശക്കുന്ന മനുഷ്യന് നൽകും. പതിവ് പോലെ തൃശൂർ മെഡിക്കൽ കോളേജിൽ ഹൃദയപൂർവ്വം കൗണ്ടർ സജീവമായിരിക്കും. ആരും വിശപ്പോടെ മടങ്ങില്ല. അതേ ആശുപത്രിയിലെ പോസ്റ്റ്‌മോർട്ടം ടേബിളിലോ, മോർച്ചറിയിലെ തണുത്തുറഞ്ഞ ഫ്രീസറിലോ അപ്പോൾ സനൂപ് ഉണ്ടാകും. '' റഹീം പറഞ്ഞു.

സം​ഘ​പ​രി​വാ​ർ​ ​സ​മാ​ധാ​ന​പൂ​ർ​വ​മാ​യ​ ​രാ​ഷ്ട്രീയ
അ​ന്ത​രീ​ക്ഷം​ ​ത​ക​ർ​ക്കു​ന്നു : സി.​പി.ഐ

തൃ​ശൂ​ർ​:​ ​സ​മാ​ധാ​ന​പൂ​ർ​വ​മാ​യ​ ​രാ​ഷ്ട്രീ​യ​ ​അ​ന്ത​രീ​ക്ഷം​ ​ബി.​ജെ.​പി​ ​സം​ഘ​പ​രി​വാ​ർ​ ​ശ​ക്തി​ക​ൾ​ ​ത​ക​ർ​ക്കു​ക​യാ​ണെ​ന്നും​ ​സി.​പി.​എം​ ​ബ്രാ​ഞ്ച് ​സെ​ക്ര​ട്ട​റി​യെ​ ​കൊ​ല​പ്പെ​ടു​ത്തി​യ​വ​രെ​ ​എ​ത്ര​യും​ ​വേ​ഗം​ ​അ​റ​സ്റ്റ് ​ചെ​യ്യ​ണ​മെ​ന്നും​ ​സി.​പി.​ഐ​ ​ജി​ല്ലാ​ ​കൗ​ൺ​സി​ൽ​ ​യോ​ഗം​ ​ആ​വ​ശ്യ​പ്പെ​ട്ടു.​ ​നാ​ട്ടി​ൽ​ ​ഭീ​ക​രാ​ന്ത​രീ​ക്ഷം​ ​സൃ​ഷ്ടി​ക്കു​ന്ന​ ​ആ​ർ.​എ​സ്.​എ​സ്,​ ​ബി.​ജെ.​പി​ ​ശ​ക്തി​ക​ളെ​ ​ഒ​റ്റ​പ്പെ​ടു​ത്ത​ണ​മെ​ന്നും​ ​വ​ർ​ഗീ​യ​ ​ശ​ക്തി​ക​ളു​ടെ​ ​ആ​ക്ര​മ​ണ​ങ്ങ​ളെ​ ​ചെ​റു​ക്കാ​ൻ​ ​എ​ല്ലാ​ ​ജ​നാ​ധി​പ​ത്യ​ ​വി​ശ്വാ​സി​ക​ളും​ ​രം​ഗ​ത്ത് ​വ​ര​ണ​മെ​ന്നും​ ​സി.​പി.​ഐ​ ​ആ​വ​ശ്യ​പ്പെ​ട്ടു.​ ​കെ.​ജി​ ​ശി​വാ​ന​ന്ദ​ൻ​ ​അ​ദ്ധ്യ​ക്ഷ​നാ​യി.​ ​സി.​എ​ൻ​ ​ജ​യ​ദേ​വ​ൻ,​ ​കെ.​പി​ ​രാ​ജേ​ന്ദ്ര​ൻ,​ ​കെ.​ ​രാ​ജ​ൻ,​ ​കെ.​കെ​ ​വ​ത്സ​രാ​ജ്,​ ​പി.​ ​ബാ​ല​ച​ന്ദ്ര​ൻ,​ ​ടി.​ആ​ർ​ ​ര​മേ​ഷ്‌​കു​മാ​ർ​ ​എ​ന്നി​വ​ർ​ ​പ​ങ്കെ​ടു​ത്തു.