തൃശൂർ : 1227 പേർ രോഗമുക്തരായപ്പോൾ 1109 പേർക്ക് കൂടി ജില്ലയിൽ കൊവിഡ്. രോഗബാധിതരായി ചികിത്സയിൽ കഴിയുന്നവരുടെ എണ്ണം 9,320 ആണ്. തൃശൂർ സ്വദേശികളായ 163 പേർ മറ്റു ജില്ലകളിലെ ആശുപത്രികളിൽ കഴിയുന്നു. ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 27,151. അസുഖബാധിതരായ 17,564 പേരെയാണ് ആകെ രോഗമുക്തരായി ആശുപത്രികളിൽ നിന്ന് ഡിസ്ചാർജ് ചെയ്തത്. മുഴുവൻ കേസുകളിലും സമ്പർക്കം വഴിയാണ് രോഗബാധ. 11 കേസുകളുടെ ഉറവിടം വ്യക്തമല്ല. യു.എൽ.സി.സി ക്ലസ്റ്റർ 7, മറ്റ് സമ്പർക്ക കേസുകൾ 1085. നാല് ആരോഗ്യ പ്രവർത്തകർക്കും രണ്ട് ഫ്രണ്ട് ലൈൻ വർക്കർമാർക്കും കൊവിഡ് സ്ഥിരീകരിച്ചു. രോഗികളിൽ 60 വയസിന് മുകളിൽ 68 പുരുഷന്മാരും 70 സ്ത്രീകളും 10 വയസിന് താഴെ 47 ആൺകുട്ടികളും 26 പെൺകുട്ടികളും ഉൾപ്പെടുന്നു.