മാള: കേരള സ്റ്റേറ്റ് ചെത്തുതൊഴിലാളി ഫെഡറേഷൻ എ.ഐ.ടി.യു.സി സംസ്ഥാന മുൻ സെക്രട്ടറിയും സി.പി.ഐ നേതാവുമായിരുന്ന ആലത്തൂർ വടക്കേടത്ത് വി.പി. അറുമുഖൻ (99) നിര്യാതനായി. സി.പി.ഐ ജില്ലാ എക്‌സിക്യൂട്ടിവ് മെമ്പർ, എ.ഐ.ടി.യു.സി മാള ചാലക്കുടി റേഞ്ച് ചെത്ത് തൊഴിലാളി യൂണിയൻ സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്.
ചെത്ത് തൊഴിലാളികളുടെ ആവശ്യങ്ങൾക്കായി സംസ്ഥാനത്തുടനീളം നിരവധി സമരങ്ങൾക്ക് നേതൃത്വം നൽകിയിട്ടുണ്ട്. ചരിത്ര പ്രസിദ്ധമായ പാലിയം, കുട്ടംകുളം, കുമ്പിടി സമരങ്ങൾക്ക് നേതൃത്വം നൽകി. വി.പി. അറുമുഖന്റെ നിര്യാണത്തിൽ എ.ഐ.ടി.യു.സി സംസ്ഥാന സെക്രട്ടറി കെ.പി. രാജേന്ദ്രൻ അനുശോചനം രേഖപ്പെടുത്തി. വി.പി. അറുമുഖന്റെ സംസ്‌കാരച്ചടങ്ങുകൾ ഇന്ന് സ്വവസതിയിൽ നടക്കും.
ഭാര്യ: നളിനി .മക്കൾ: രമേഷ് (ബിസിനസ്), സുനിൽ (മുംബയ്), മനോജ് (ദുബായ്), ലതിക (അദ്ധ്യാപിക, ജി.യു.പി.എസ്, കാരുമാത്ര). മരുമക്കൾ: സിജി (സിവിൽ സപ്ലൈസ് ), സബന (മുംബയ്), തുഷാര, തമ്പി.