തൃശൂർ: വിയ്യൂർ ജയിലിന്റെ കീഴിൽ പ്രവർത്തിച്ചിരുന്ന കൊവിഡ് സെന്ററിൽ റിമാൻഡ് തടവുകാരൻ തിരുവനന്തപുരം സ്വദേശി ഷമീർ മർദ്ദനമേറ്റ് മരിച്ച സംഭവത്തിൽ മൂന്ന് പേർക്കെതിരെ കൂടി നടപടി. അസി. ജയിൽ സൂപ്രണ്ടിനെയും രണ്ട് അസി. പ്രിസൺ ഓഫീസർമാരെയും സസ്പെൻഡ് ചെയ്തു.

ഗ്രേഡ് ഒന്ന് അസി. ജയിൽ സൂപ്രണ്ട് അതുൽ, അസി. പ്രിസൺ ഓഫീസർമാരായ റിജു, സുഭാഷ് എന്നിവരെയാണ് സസ്പെൻഡ് ചെയ്തത്. ഇതോടെ സംഭവത്തിൽ ഇതേവരെ ആറ് ജയിൽ ജീവനക്കാർ സസ്പെൻഷനിലായി. സംഭവത്തിൽ കഴിഞ്ഞ ദിവസം ജാമ്യത്തിലിറങ്ങിയ ഷമീറിൻ്റെ ഭാര്യ സുമയ്യ ജയിൽ ഡി.ജി.പി ഋഷിരാജ് സിംഗിനെതിരെ രംഗത്ത് വന്നിരുന്നു. ഷമീറിനെ ജയിൽ ജീവനക്കാർ മർദ്ദിക്കുന്നത് നേരിട്ട് കണ്ടതായി സുമയ്യയും മറ്റ് കൂടെയുണ്ടായിരുന്ന തടവുകാരും മൊഴി നൽകിയിരുന്നു. പൊലീസുകാരാണ് മർദ്ദിച്ചതെന്ന് പറയാൻ ഋഷിരാജ് സിംഗ് നിർബന്ധിച്ചുവെന്ന് സുമയ്യ വെളിപ്പെടുത്തിയിരുന്നു. ഇതിന് പിന്നാലെയാണ് മൂന്ന് പേരെ കൂടി സസ്പെൻഡ് ചെയ്ത് ഉത്തരവിറങ്ങിയത്. പത്ത് കിലോ കഞ്ചാവുമായി ശക്തൻ നഗർസ്റ്റാൻഡിൽ നിന്നും ഇക്കഴിഞ്ഞ 29നാണ് തൃശൂർ ഈസ്റ്റ് പൊലീസ് അറസ്റ്റ് ചെയ്തത്. 30ന് അസ്വസ്ഥത തോന്നി ഷമീറിനെ മെഡിക്കൽ കോളേജിലെത്തിച്ചുവെങ്കിലും ഒന്നിന് മരിച്ചു. കസ്റ്റഡിയിൽ ക്രൂരമായി മർദ്ദനമേറ്റതായി പോസ്റ്റ്മോർട്ടം റിപ്പോർട്ടിൽ വ്യക്തമായിരുന്നു.

കൊ​വി​ഡ് ​ചി​കി​ത്സ​യു​ടെ​ ​പേ​രി​ലു​ള്ള
കൊ​ള്ള​ ​ത​ട​യ​ണം​ ​:​ ​ബി.​ജെ.​പി

തൃ​ശൂ​ർ​:​ ​കൊ​വി​ഡ് ​ചി​കി​ത്സ​യ്ക്കാ​യി​ ​ചി​ല​ ​സ്വ​കാ​ര്യ​ ​ആ​ശു​പ​ത്രി​ക​ൾ​ ​വ​ൻ​തു​ക​ ​ഈ​ടാ​ക്കു​ന്ന​താ​യി​ ​വ്യാ​പ​ക​മാ​യി​ ​പ​രാ​തി​ ​ഉ​യ​ർ​ന്ന​ ​സാ​ഹ​ച​ര്യ​ത്തി​ൽ​ ​കൊ​വി​ഡ് ​രോ​ഗി​ക​ളെ​ ​ചൂ​ഷ​ണം​ ​ചെ​യ്യു​ന്ന​ത് ​ത​ട​യാ​ൻ​ ​ക​ള​ക്ട​റും​ ​ജി​ല്ലാ​ ​മെ​ഡി​ക്ക​ൽ​ ​ഓ​ഫീ​സ​റും​ ​ഇ​ട​പെ​ട​ണ​മെ​ന്ന് ​ബി.​ജെ.​പി​ ​ജി​ല്ലാ​ ​പ്ര​സി​ഡ​ന്റ് ​അ​ഡ്വ.​ ​കെ.​ ​കെ​ ​അ​നീ​ഷ്കു​മാ​ർ​ ​ആ​വ​ശ്യ​പ്പെ​ട്ടു.​ ​റൂ​മി​ന് ​ഒ​രു​ ​ദി​വ​സ​ത്തേ​യ്ക്ക് ​അ​യ്യാ​യി​ര​വും​ ​പ​തി​നാ​യി​ര​വും​ ​രൂ​പ​ ​ഈ​ടാ​ക്കു​ന്ന​താ​യാ​ണ് ​പ​രാ​തി.​ ​കൂ​ടാ​തെ​ ​ചി​കി​ത്സ​യ്ക്കും​ ​അ​നു​ബ​ന്ധ​ ​സൗ​ക​ര്യ​ങ്ങ​ൾ​ക്കും​ ​വ​ലി​യ​ ​തു​ക​യാ​ണ്.​ ​കൊ​വി​ഡ് ​ചി​കി​ത്സ​യു​ടെ​ ​നി​ര​ക്കു​ക​ളെ​ ​സം​ബ​ന്ധി​ച്ച് ​മാ​ന​ദ​ണ്ഡം​ ​നി​ശ്ച​യി​ച്ച് ​മാ​ർ​ഗ്ഗ​ ​നി​ർ​ദ്ദേ​ശം​ ​ന​ൽ​കാ​ൻ​ ​ആ​രോ​ഗ്യ​ ​വ​കു​പ്പ് ​ത​യ്യാ​റാ​ക​ണം.​ ​കൊ​വി​ഡ് ​പോ​ലൊ​രു​ ​മ​ഹാ​മാ​രി​യെ​ ​ഒ​ന്നി​ച്ച് ​നി​ന്ന് ​നേ​രി​ടേ​ണ്ട​ ​സ​മ​യ​ത്ത് ​രോ​ഗി​ക​ളു​ടെ​ ​നി​സ​ഹാ​യാ​വ​സ്ഥ​ ​മു​ത​ലെ​ടു​ത്ത് ​അ​മി​ത​ലാ​ഭ​മു​ണ്ടാ​ക്കാ​ൻ​ ​ശ്ര​മി​ക്കു​ന്ന​ത് ​അ​നു​വ​ദി​ക്കാ​നാ​വി​ല്ലെ​ന്ന് ​അ​ഡ്വ.​ ​കെ.​കെ​ ​അ​നീ​ഷ് ​കു​മാ​ർ​ ​പ​റ​ഞ്ഞു.